Газрын тосны бүтээгдэхүүний хангамж, үнэ тогтворжуулах төр, хувийн хэвшлийн хамтарсан зөвлөлийн шийдвэрээр АИ 92 автобензиний үнийг чөлөөлсөн. АИ-92 шатахууны үнийг дэлхийн зах зээлийн сүүлийн зургаан сарын дундаж өртгөөр автоматаар тооцож байхаар болсон. Өөрөөр хэлбэл шатахууны үнэ огцом биш 100 хүртэлх төгрөгөөр өсөн нэмэгдсээр байх зохицуулалтыг хийсэн юм.

Өнгөрсөн 11 дүгээр сарын 22-нд гарсан энэ шийдвэрээс хойш шатахууны үнэ хоёр удаа нэмэгдээд байна. Энэ шийдвэрийн дараахан АИ 92 автобиензиний үнэ 100 төгрөгөөр нэмэгдэж, 2150 төгрөг болсон. Тэгвэл өнөөдөр дахин нэмэгдэж, 2220 төгрөгийн үнэтэй боллоо. Мөн дизелийн түлшний үнэ 100 төгрөгөөр нэмэгдэж, 2890 төгрөг болжээ. 

Б.Хэрлэн