Хөвсгөл аймгийн Цагааннуур сумын зүүн, баруун тайгад амьдардаг цаатан иргэдэд 2013 оноос мөнгөн тэтгэмж олгож эхэлжээ. Цаатан иргэн бүр энэ онд сар бүр 213 800 төгрөг, харин хүүхдэд 106 900 төгрөг олгож байна. Мөн 2016 оноос Нийгмийн даатгалын шимтгэлийг төр хариуцаж, нийгмийн даатгалд хамруулж байгаа аж. Одоогийн байдлаар цаатан иргэдийн тэтгэмж, нийгмийн даатгалын шимтгэлд нийт 5.2 тэрбум төгрөг зарцуулаад байна.

Энэ оны 10 дугаар сарын байдлаар 395 иргэн, хүүхдэд 671 сая төгрөгийн тэтгэмж олгож, 192 хүний 140 орчим сая төгрөгийн нийгмийн даатгалын шимтгэлийг төрөөс хариуцжээ.