Монгол Улсын хэмжээнд жижиг дунд үйлдвэр, үйлчилгээ (ЖДҮҮ) эрхлэгч 62 263 аж ахуйн нэгж үйл ажиллагаа явуулж, 906 495 хүн энэ салбарт ажиллаж байна. Үүнээс 43 236 аж ахуйн нэгж нь Улаанбаатар хотод үйл ажиллагаа явуулж, 674 546 иргэн жижиг дунд үйлдвэр, үйлчилгээ эрхэлж буй. Энэ нь нийслэлийн хөдөлмөрийн насны хүн амын 67.4 хувь юм. Өөрөөр хэлбэл хөдөлмөрийн насны хүн амын 70 орчим хувь нь ЖДҮҮ эрхэлж байна гэсэн үг. Мөн ЖДҮҮ-ний салбарт ажиллагсдын 70 хувь нь эмэгтэйчүүд байна. 

ЖДҮҮ эрхлэгчид Монгол Улсын ДНБ-ий 18.3 хувийг бүрдүүлдэг байна. Харин экспортын 2.4 хувийг эзэлдэг байна. ЖДҮҮ-ий салбарт ажлын байр их байгаа ч эдийн засгийн бүтээмж муу байгаа нь энэ салбарынхан уялдаа холбоогүй, бүтээгдэхүүн, үйлчилгээний чанар, хүртээмж хангалтгүй байгаагийн илрэл юм.

В.Бат