Тээврийн цагдаагийн албаны жижүүрийн шуурхай удирдлагын төвд 2021 оны 08 дугаар сарын 03-ны өдөр нийт 348 дуудлага мэдээлэл хүлээн авснаас зам тээврийн ослын шинжтэй 202 дуудлага мэдээлэл бүртгэгдсэн байна. Бүртгэгдсэн зам тээврийн ослын улмаас Нийслэлд 6 хүн, орон нутагт  4 хүн гэмтэж  2 хүний амь хохирсон байна.

Гудамж замын хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодож хөдөлгөөнд оролцсон нийт 83 зөрчил илрүүлсний нийслэлд 56, орон нутагт 27 зөрчлийг илрүүлж учирч болох эрсдэлээс урьдчилан сэргийлжээ.  

Орон нутгийн замд хөдөлгөөнд оролцож байгаа иргэд жолооч та бүхэн  олон цагаар автомашин жолоодохгүй байх,  зорчигч нарын суудлын бүсийг зүүлгэн, хурдаа тохируулж, шөнийн цагт гэрлээ шилжүүлж хөдөлгөөнд оролцохыг анхааруулж байна.

Нийслэл хотын хэмжээнд хөдөлгөөнд оролцож буй жолооч та бүхэн замын хөдөлгөөнд оролцохдоо явган хүний гарцаар гарч буй явган зорчигчид зам тавьж өгч хөдөлгөөнд соёлтой боловсон оролцох,

Явганаар замын хөдөлгөөнд оролцож буй явган зорчигч та бүхэн замын гарцтай хэсгээр зам хөндлөн гарч, ойртон ирж байгаа тээврийн хэрэгслийг  урдуур гүйхгүй байхыг анхааруулж байна.

ТЭЭВРИЙН ЦАГДААГИЙН АЛБА