Монголбанкны Мөнгөний бодлогын хороо хуралдлаа. Хуралдаанаар шийдвэрлэсэн асуудлын талаар Монголбанкны Ерөнхийлөгч Б.Лхагвасүрэн мэдээлэл хийж байна. Тэрбээр:

-Инфляци улсын хэмжээнд 6 хувь, Улаанбаатар хотод 7 хувьд хүрч өнгөрсөн оны мөн үеэс бага зэрэг нэмэгдсэн. Хэрэглээний сагсны 19 хувийг бүрдүүлдэг шатахуун, мах, сайжруулсан түлш нийт инфляцийн 43 хувийг эзэлж байна. Эдийн засгийн өсөлтийн төлвийг өмнөх оныхоос нэмэгдүүлсэн хэдий ч эмзэг байна. Эдийн засаг ерөнхийдөө сэргэж байгаатай холбоотой нэмэгдэх боломжтой. Эдийн засгийн өсөлтийг 6.9 хувьд төсөөлж байна. 2021 оны нэгдүгээр улиралд төсөөллөөс өндөр гарсан. Өрхийн хэрэглээ өссөн. Өнгөрсөн дөрөвдүгээр сард хөл хорио тогтоосон нь эдийн засгийн идэвхжлийг бууруулсан хэмээв. 

Н.Нягт