ОБЕГ-ын харьяа Үндэсний аврах бригадыг 2006 онд Хувьсгалт тэмцлийн нэрт зүтгэлтэн, хурандаа генерал Сандивын Равдангийн нэрэмжит болгосноор түүний үр хүүхдүүд нь С.Равдангийн нэрэмжит шагналыг тухайн жилдээ ажил үйлсээрээ тэргүүлсэн алба хаагчийг шагнадаг болсон уламжлалтай.

 Энэхүү уламжлалт шагналыг энэ жил Үндэсний аврах бригадын агаарын ажиллагааны мэргэжилтэн, нисгэн ажиглагч, хошууч Г.Ганжигүүр хүртлээ.

Хошууч Г.Ганжигүүр нь Онцгой байдлын байгууллагад 21 дэх жилдээ үүрэг гүйцэтгэж байна гэж Онцгой байдлын ерөнхий газраас мэдээллээ.