ҮХЦ-ийн дунд суудлын хуралдаан бүрэлдэхүүн шинээр томилох хүртэл тодорхойгүй хугацаагаар хойшилсон. УИХ-ын гишүүн Т.Доржханд нарын нэр бүхий иргэд ҮХЦ-д хандаж ,УИХ-аас 2020 оны арванхоёрдугаар сарын 24-ний өдөр баталсан Монгол Улсын Ерөнхийлөгчийн сонгуулийн тухай хуулийн зарим заалт Үндсэн хууль зөрчсөн гэсэн мэдээлэл ирүүлсэн юм. Үүнтэй холбогдуулан УИХ-ын гишүүн Т.Дорханд нар мэдээлэл өглөө. УИХ-ын гишүүн Т.Доржханд: 

-Сонгууль болохын өмнө өөрсдөдөө зориулж дүрмээ зохиодгоо болих хэрэгтэй. ҮХЦ энэ байдлаар ажиллавал асуудал нь эмзэг байна. ҮХЦ яаж ажилладаг вэ, эрх мэдэлтэй хүмүүс яаж нөлөөлдгийг харуулж байна. ҮХЦ-ийн гишүүд ээ та нар нэр хүндтэй байж шийдвэрээ гарга. Монгол Улсын Ерөнхийлөгч өө, та өөрөө дэвшиж байвал бусад нь хамаагүй гэсэн хэлбэрээр хандаж болохгүй гэлээ. 

Тэд "Үндсэн хуулийн цэцийн процесс ил тод биш байна. ҮХЦ-ийн гишүүн н.Нанзаддорж оролцох боломжгүй гэсэн учир бүрэлдэхүүн өөрчлөх болж, тарлаа. Бидэнд мэдээлэл өгөхгүй байна" гэлээ.  

Н.Нягт