Төрийн соёрхолт, дуучин Д.Болдыг эрэн сурвалжилж буй талаар мэдээлэл цахим хуудсанд тархаад байна. Үүнд шүүхийн байгууллагаас тайлбар өглөө. 

Тодруулбал, Хан-Уул дүүргийн Иргэний хэргийн анхан шатны шүүхэд Нийслэлийн зорчигч тээврийн нэгтгэл орон нутгийн өмчит ААТҮГ-аас гэрэээний төлбөр гаргуулах маргаанд хариуцагчаар "Эм Ди Өү" ХХК-ийг татаж нэхэмжлэл гаргажээ. Гэвч байгууллагын байрлах хаяг тодорхойгүй улмаас шүүх хэргийг хэрэгсэхгүй болгосон байна.

Үүний дараа Нийслэлийн зорчигч тээврийн нэгтгэл орон нутгийн өмчит ААТҮГ-аас "Эм Ди Өү" ХХК-ийн хаягийг олох боломжгүй байгаа учир хуульд заасны дагуу эрэн сурвалжлуулах хүсэлтийг тухайн шүүхэд гаргажээ. Харин цагдаагийн байгууллагаас эрэн сурвалжлах зарлалыг энэ оны гуравдугаар сарын 18-ны өдөр системд байршуулсан байна. 

Шүүх уг шийдвэрийг 2020.05.04-ны өдөр Хан-Уул дүүрэг дэх цагдаагийн нэгдүгээр хэлтэст албан бичгээр хүргүүлжээ. Төрийн соёрхолт, дуучин Д.Болд "Эм Ди Өү" ХХК-ийн захирлын албан тушаалыг хашдаг аж. 

Б.Итгэл