Нийслэлийн Баянзүрх дүүргийн “Амгалан” захын орчимд өчигдөр буюу энэ сарын 19-нд 21:00-22:00 цагийн орчимд хоёр автомашин мөргөлдсөн зам тээврийн осол гарчээ.

Тодруулбал, иргэн Б гэгч 49 настай эрэгтэй өчигдөр согтууруулах ундааны зүйл хэрэглэсэн үедээ “Тоёото Приус - 30” маркийн  тээврийн хэрэгсэл жолоодож “Тоёото Приус – 20” маркийн автомашинтай мөргөлджээ. Ослын улмаас дээрх хоёр машины жолоочид хүнд гэмтсэн бөгөөд уг хэргийг Тээврийн цагдаагийн албаны Замын цагдаагийн газрын Мөрдөн шалгах хэлтэс шалгаж байна.

Энэ хэрэгтэй холбогдуулан Улсын хэмжээнд гамшгаас хамгаалах Бүх нийтийн өндөржүүлсэн бэлэн байдалд шилжсэн архи согтууруулах ундаа худалдан борлуулахыг хориглосон энэ цаг үед согтууруулах ундаа хэрэглэхгүй байх, согтуугаар тээврийн хэрэгсэл жолоодохгүй байх, онцын шаардлагагүй бол гэрээсээ гарахгүй байхыг холбогдох байгууллагаас иргэдэд анхаарууллаа.