“Хилтон” зочид буудлын өв залгамжлагч Парис Хилтон шинэ оны эхэнд сүй тавьсан тухайгаа мэдэгдсэн билээ. Тэгвэл хуримын асуудлаар “www.usmagazine.com” сайт Хилтоноос ярилцлага авчээ. Энэхүү ярилцлагыг хүргэж байна.

-2018 оны эхний өдөр та тун гайхалтай мэдээг бидэнд дуулгалаа?

-Одоо хүртэл зүүд шиг санагдаж байна. Үнэхээр жаргалтай байна.

-Дахин тодруулах хэрэгтэй байх. Жүжигчин Крис Зилка танд гэрлэх санал тавьсан гэж үү. Үнэхээр итгэхийн аргагүй юм.

-Тийм шүү. Үнэхээр гэнэтийн үйл явдал болсон. Бид зүгээр л болзоонд явсан. Харин тэр болзоо урьдаас төлөвлөсөн гэнэтийн бэлгээр дүүрэн байсан. “Надтай гэрлээч” гэж хэлэхэд өөрийн эрхгүй уйлсан.

-Та хоёр сүй тавьсан.

-Энэ өдрийг их удаан хүлээлээ.

-Хуримаа хэзээ хийх вэ?

-Бидний аз жаргал дөнгөж эхэлж байна. Тиймээс энэ талаар ярих дэндүү эрт байна.

-Та одоо 36 настай. Хэвлэлийнхэн таныг “хөгшин сүйт бүсгүй боллоо” хэмээн бичих болсон. Энэ талаар. Эмзэглэж байна уу?

-Үгүй дээ. Олон жилийн өмнөөс л миний насанд хүмүүс их санаа зовж байсан. Үнэнийг хэлэхэд би ч гэсэ санаа зовж байсан ч нүүрэндээ энэ бүхнийг нуугаад явсан юм.

-Таны сэтгэлийг булаагаад буй Кристэй хэрхэн танилцаж байв.

-Бид нэг нэгнээ мэддэг болоод найман жил болж байна. Харин үерхээд хоёр жил болж байна.

-Олон залуустай нэр холбогдож байсан ч та Крисийг л ганцхан ил гаргаж байгаа. Энэ талаараа?

-Би энэ залууд бүрэн ууссан.

-Хайраас болж олон алдартнууд тун итгэхийн аргагүй сонголт хийдэг. Та хайрынхаа төлөө ямар нэгэн өөрчлөлт хийв үү?

-Би өөрчлөгдөхийг их хичээж байна. Мэдээж хэрэг олон алдаа гаргасан. Алдаа гаргадаггүй хүн гэж үгүй. Гэхдээ л би өөрчлөгдөхийг хичээж явна.

-Ирээдүйн хуримынхаа талаар?

-Төсөөлөх үед л сэтгэл хөдөлж байна. Хуримаар минь бүх бүсгүйчүүд надад атаархах болно.

-Танд аж жаргал хүсье.

-Маш их баярлалаа.

Б.Дэлгэрцэцэг