Италийн эрх баригчид мафийнхнаас  хураасан барилгыг дэлбэлж, нураажээ. Энэ талаарх мэдээллийг Италийн La Repubblica сонин дамжуулсан байна. 

Эх сурвалжийн мэдээлснээр, Калабрия мужид байх, "Ндрангета" мафийн бүлэглэлээс хураасан зургаан давхар байрыг дэлбэлж нураажээ. Энэ барилга өмнө нь тавилгын үйлдвэр байсан бөгөөд сүүлийн 40 жилийн хугацаанд хотын өнгө үзэмжийг дарж байсан гэж үзэн ийнхүү нураах шийдвэр гаргасан байна. Барилгыг нураахад 400 кг тротил ашиглажээ.

2012 оноос эхлээд энэ барилга төрийн мэдэлд байсан ч ашиглагдаагүй аж. Барилгыг нураан, газар дээр нь зогсоол байгуулах шийдвэрийг өнгөрсөн онд эрх баригчид гаргасан байна.

Г.Бямбасүрэн