Улаан тэнгист байрлаж буй АНУ-ын Тэнгисийн цэргийн хүчний хөлөг онгоц Йемений нутгаас хойд чиглэлд хөөргөсөн пуужингуудыг амдан устгажээ. Энэ талаар Америкийн албан этгээдүүдээс авсан эх сурвалжтайгаар ВВС дамжуулсан байна.

Эх сурвалжийн мэдээлснээр, Улаан тэнгис дэх Америкийн цэргийн хөлөг онгоц Йеменээс хойд чиглэлд харвасан гурван пуужинг амдан устгажээ. Эдгээр пуужингууд чухам хаашаа чиглэж байсныг тодорхой хэлэх нарийвчилсан мэдээлэл байхгүй, гэхдээ Израилын нутгийг онилсон байж болзошгүй гэж Америкийн албан тушаалтнууд үзэж байгаа аж. 

Йеменээс хөөргөж, Америкийн цэргүүд амдан устгасан пуужинг чухамхүү Израил руу чиглэсэн байсан гэх хувилбарыг Израилын Батлан хамгаалах яам ч гаргажээ.Учир нь өмнө нь, Ираны дэмжлэгтэй Йемений босогчид палестинчуудыг дэмжиж байгаагаа илэрхийлэн, Израилыг сүрдүүлж байсан юм. 

Г.Бямбасүрэн