Москвагийн нисэх буудлууд дээр 21 нислэгийг хойшлуулж, 22 нислэгийг цуцалсан гэж Яндекс мэдээлжээ. Нислэгүүдийг ямар шалтгаанаар саатуулж, цуцалсан талаарх мэдээлэл гараагүй байна. 

Москвагийн цагаар есдүгээр сарын нэгний 02:30 цагийн байдлаар (Улаанбаатарын цагаар 07:30 цаг) Москвагийн Внуково нисэх буудал дээр есөн нислэг саатаж, таван нислэгийг цуцалсан бол Домодедово дээр долоон нислэг саатаж, 14-ийг цуцалсан байна. Харин Шереметьево нисэх буудал дээр таван нислэг саатаж, гурван нислэг цуцлагджээ. 

Хамгийн сүүлд, наймдугаар сарын 31-ний өдөр Москвагийн нисэх буудал нислэг хүлээн авах, илгээх ажлаа түр зогсоож байлаа. Энэ нь нисэгчгүй нисэх аппаратуудын дайралттай холбоотой байсан юм.

Г.Бямбасүрэн