Энэ сарын дундуур Грект их хэмжээний ойн түймэр гарч, гал их хэмжээний талбайг хамран, хот сууринд ч тулж ирсэн талаарх мэдээлэл гарч байсан. Энэ гал түймрийн улмаас 20 гаруй хүн амиа алджээ. 

Грект асаж буй ойн түймрийг Европын холбооны түүхэн дэх хамгийн том түймэрт тооцож байна. Энэ түймрийг унтраахаар Европын холбоо гал сөнөөх нисэх хүчнийхээ тал орчим хувийг дайчилсан гэж The Guardian сонин мэдээлжээ. Өнөөдрийн байдлаар ойн түймэр 810 квадрат километр талбай буюу Америкийн Нью-Йорк хотын нутгаас ч том талбайг хамарсан байна. 

Грекийн гал түймэр наймдугаар сарын 19-ний өдрөөс эхэлсэн. Энэ хугацаанд 20 хүн амиа алдсан бөгөөд гал сөнөөгчид Дадия үндэсний цэцэрлэгт хүрээлэнд гарсан галыг цурманд оруулж чадахгүй байгаа аж. 

Г.Бямбасүрэн