АНУ-ын хууль тогтоох байгууллага дахь бүгд найрамдахчууд Ерөнхийлөгч Жо Байденд импичмент зарлах ажиллагаа эхлүүлэх нь зүйтэй гэж үзсэн. Энэ саналыг АНУ-ын Конгрессын Төлөөлөгчдийн танхимын дарга дэмжжээ. 

АВС сувгийн мэдээлснээр, Төлөөлөгчдийн танхимын дарга, Бүгд Найрамдах намын гишүүн Кевин Маккарти Жо Байденыг шалгах ажлыг эхлүүлэх хангалттай нотлох баримт байгаа гэж үзэж байгаа аж. 

"Энэ хугацаанд бид цуглуулж амжсан мэдээллээс харахад импичментийн асуудлаар шалгах ажлыг хийх нь зүй ёсны алхам болж байна" хэмээн Маккарти мэдэгджээ. Ерөнхийлөгч Байдены гэр бүл авлигад идэгдсэн гэж тэрбээр үзэж байгаа аж.

Энд дуулгахад, АНУ-ын Бүгд найрамдах нам Төлөөлөгчдийн танхим, харин Ардчилсан нам Сенатад олонх юм. Байденд импичмент зарлахын тулд хоёр танхим хоёулаа шийдвэр гаргах ёстой. Одоо Конгрессын чуулган завсарласан бөгөөд есдүгээр сарын дундуур цуглах юм.

Г.Бямбасүрэн