Өнгөрсөн амралтын өдрүүдэд /2023.08.25-27/ "Солонгосын соёлын өдрүүд-2023" Сүхбаатарын талбайд зохион байгууллаа. Тус арга хэмжээ Монголд болдог БНСУын соёлын арга хэмжээнүүдээс хамгийн томд тооцогддог. Соёлын өдрүүдэд Open mic, OXасуулт хариултын тэмцээн, K-Food арга хэмжээ,K-beauty make-upшоу, таеквондогийн үзүүлбэр, Солонгос үндэсний хөгжмийн хамтлаг, дуучдын үзүүлбэр зэрэг олон арга хэмжээ боллоо.

Солонгосын соёлын өдрүүдэд БНСУ-ын соёлыг сонирхдог,  K-popхөгжим сонсдог хүүхэд залуус цугласан байлаа. Тэдний сэтгэгдлийг хүргэе.

-Яагаад Солонгос дуу бүжиг сонирхож эхлэв?

- Жаахан байхаасаа  K-pop  сонсдог байсан. Big bang, EXO, 2ne1, T-ara гээд сонсдог их олон хамтлаг бий. Одоо бол BTS, Blackpink, Stray Kids зэрэг хамтлагийн дуунуудыг өдөр тутамдаа сонсдог. К-поп дэлхийн хэмжээний урлаг болж хөгжсөн байна. Дан ганц охидууд л солонгос дуу бүжигт дуртай биш маш олон эрэгтэй найзууд маань солонгос хамтлаг дучдыг сонсож дуулж бүжиглэдэг. Ихэнх дуу нь хөнгөн, сэтгэл сэргээдэг. Зөвхөн цахим орчинд л Солонгосын соёлыг харж баясдаг байсан. Харин энэхүү арга хэмжээ зохион байгуулагдсанаар өөрсдийн нүдээр харж, биеэр мэдрэх сайхан байлаа. 

-Солонгосын соёлуудаас хамгийн их таалагддаг соёл нь юу вэ?

-Хамгийн их таалагддаг нь хоолны соёл. Солонгосчууд бидэнд соёлоо хуваалцаж байгаа нь их гоё санагдаж байна. Солонгосын хүндэтгэх соёл нь надад таалагддаг. Мөн өөрсдөө таеквондогоор хичээллэдэг болохоор таеквондогийн үзүүлбэрийг үзэж, юм мэдэж, сурах зорилготой ирсэн. Солонгосын соёлыг нүдээр харж, биеэр мэдрэх сайхан байлаа