Сингапурын агаарын тээврийн компани болох Singapore Airlines компани их хэмжээний орлого олсонтой холбоотойгоор ажилтнууддаа урамшуулал олгохоор болжээ. Энэ талаар Блүмберг агентлаг мэдээлсэн байна. 

Тодруулбал, 2022 оны дүнгээр Singapore Airlines агаарын тээврийн компани 1,62 тэрбум долларын орлого олсон нь тус компанийн 76 жилийн түүхэн дэх хамгийн өндөр орлого аж. Тиймээс энэ компани ажилтнуудаа урамшуулахаар шийдэж, найман сарын цалинтай нь тэнцэх урамшуулал олгохоор болжээ. 

"Хүнд ажил хийдэг гэдгийг нь хүлээн зөвшөөрч байгаагаа илэрхийлж" нэмэлт цалин олгохоор болсноо компанийн удирдлага мэдэгдсэн байна. Энэ урамшуулалт цалинг удирдах албан тушаалынхан авахгүй аж.

Г.Бямбасүрэн