Засгийн газрын Шилэн ажиллагааны хүрээнд төрийн өмчийн болон төрийн өмчийн оролцоотой 63 байгууллагын ТУЗ-ийн гишүүдийн мэдээллийг ил болгоод байна.
shilen.gov.mn сайтад байршуулсан 63 байгууллагаас өнөөдрийн байдлаар Оюутолгой ХК, Нью Улаанбаатар интернэйшнл эйрпорт ХХК-ийн ТУЗ-ийн гишүүдийн цалингийн мэдээлэл хаалттай байна. Тус компаниуд нь Монгол болон гадаадын хөрөнгө оруулагчдын хамтарсан ТУЗ-ийн гишүүдтэй.
УИХ-ын чуулганы нэгдсэн хуралдааны үеэр Шилэн ажиллагааг хариуцагч Цахим хөгжил, харилцаа холбооны сайд Н.Учрал Төрийн өмчийн бодлого, зохицуулалтын газрын дарга Б.Цэнгэлд ТУЗ-ийн гишүүдийн нэр, цалин хөлсийн мэдээллийг зарлаж, дуусгахыг шаардсан. Одоогоос зургаан өдрийн тавьсан энэ шаардлагыг Б.Цэнгэл дарга бүрэн биелүүлээгүй нь доорх баримтаас харагдана.
