АНУ-ын Мемфис хотод 20 жил амьдарсан, Я Я хэмээх найрамдлын элч хулсны баавгайгаа Хятад улс эргүүлэн авахаар болжээ. Энэ талаар БНХАУ-ын Ой, тал хээрийн аж ахуйн улсын газар мэдэгдсэн байна. 

"АНУ-д 20 жил амьдарсан эрэгчин хулсны баавгайг ойрын үед Хятад руу авчирна" хэмээн мэдэгдэлд өгүүлсэн байна. Я Я баавгайг Шанхай руу нислэг үйлдэх онгоцонд суулган авчрах аж.

Энэ хуулсны баавгай 2000 онд Бээжингийн амьтны хүрээлэнд төржээ. Улмаар 2003 оны дөрөвдүгээр сард өөр нэг хулсны баавгай болох Лэ Лэгийн хамтаар найрамдлын элч болон Мемфисийг зорьжээ.

ЯЯ баавгайг 20 жил болсных нь дараа эх оронд нь эргүүлэн авчирна гэж өнгөрсөн оны сүүлээр Хятадын эрх баригчид мэдэгдэж байв. Хулсны баавгай АНУ-д байх хугацааг анх 10 жилээр тохиролцож, дараа нь 2013 онд мөн 10 жилээр сунгаж байжээ. 

Г.Бямбасүрэн