Төрийн байгууллагууд төсвөө хэрхэн захиран зарцуулж байгаа мэдээллийг Шилэн данснаас цувралаар хүргэж байгаа. Энэ удаад  төмөр замын суурь бүтэц барих, ашиглах, тээвэрлэх, суурь бүтэц, хөдлөх бүрэлдэхүүн засварлах зэрэг үндсэн чиглэлээр үйл ажиллагаагаа явуулж  “Тавантолгой төмөр зам” ХХК-ийн өнгөрсөн 1, 2 дугаар сард төсвөө дараах байдлаар захиран зарцуулсан байна. 

“Тавантолгой төмөр зам” ХХК-ийн данс руу өнгөрсөн нэгдүгээр сард НЭГ тэрбум 200 гаруй сая төгрөгийн орлого олсон байна. Үүнээс Шилэн дансандаа цалингийн зардлаас бусад таван сая төгрөгөөс дээш үнийн дүн бүхий зарлагадаа 800 гаруй сая төгрөгийг захиран зарцуулснаа  мэдээлсэн байна. 

Тухайлбал, гадаад томилолтонд 82 сая төгрөг,  илчит тэрэгний түрээсийн төлбөр 130 сая төгрөг, Веб байршуулах үйлчилгээ 12 сая төгрөг, ажлын бээлий, хоолны зардал, цэвэрлэгээ үйлчилгээн материал 22 сая гээд нийт 800 сая төгрөгийн цалингийн зардлаас бусад таван сая төгрөгөөс дээш үнийн дүн бүхий зарлага гаргажээ. 

Харин өнгөрсөн хоёрдугаар сард 772 сая төгрөгийн орлого орж, НЭГ тэрбум төгрөгийн цалингийн зардлаас бусад таван сая төгрөгөөс дээш үнийн дүн бүхий зарлагын мөнгөн гүйлгээг гаргажээ. Тухайлбал, 37 сая төгрөгийг хоолны зардалд, томилолтын зардалд 118 сая төгрөг, Хот хоорондын автобус үйлчилгээний төлбөрт 41 сая төгрөг, Ланд-200, Ланд-76 Соната-8 автомашинуудын сэлбэг хэрэгслийн төлбөрт 12 сая төгрөг, илчит тэрэгний түрээсийн төлбөрт 112 сая төгрөг,  Амин хэлхээ баримтат кино нэвтрүүлгийн үлдэгдэл санхүүжилтад 5 сая төгрөг, уулзалт, хэлэлцүүлгийн зардал 6 сая 764 мянган төгрөг гээд нийт 16 төрлийн гүйлгээг хийсэн байна. 

"Тавантолгой Төмөр зам" ХХК-д өнгөрсөн оны арванхоёрдугаар сард онцгой дэглэм тогтоож, Бүрэн Эрхт төлөөлөгчөөр Н.Мягмарыг томилсон. Н.Мягмарын хувьд зургаан сарын турш тус компанийн  бүтэц зохион байгуулалтыг оновчтой болгож шинэчлэх, шаардлагатай бол бүтцийн нэгж удирдлагыг томилж чөлөөлөх, компанийн хөдөлмөрийн дотоод журам болон үйлдвэрлэл, тээвэр, технологийн дүрэм, үйлдвэрлэлийн осол, аюулгүй ажиллагааны тусгай журам тогтоож, тэдгээрийг зөрчигчдөд онцгой хариуцлага хүлээлгэж ажиллах, таван толгой-Гашуун сухайт чиглэлийн төмөр замын бүтээн байгуулалтад зарцуулсан хөрөнгөд хөндлөнгийн аудит хийлгэж, дүгнэлт гаргуулах, хууль зөрчсөн, ашиг сонирхлын зөрчилтэй гэрээ хэлцэл үйл ажиллагааг хуулийн байгууллагад шилжүүлэн шалгуулах зэрэг үүрэг хүлээн ажиллаж байгаа юм. 

Б.Мягмар нь БЭТ-өөр томилогдсон хоёр сарын хугацаанд компанийн төсөв санхүүгээ дээрх байдлаар захиран зарцуулсан байна. 

П.ГОО