Вьетнамын Үндэсний хурал тус улсын эрх баригч Коммунист намын төв хорооны тэргүүлэгчдийн гишүүн Во Ван Тхыонгийг Ерөнхийлөгчийн албан тушаалд баталжээ. Энэ талаар Вьетнамын Засгийн газрын албан ёсны сайт дээр мэдээлсэн байна.
Во Ван Тхыонгийг ерөнхийлөгчийн албан тушаалд нэр дэвшүүлснийг нийт 488 гишүүний 487 нь дэмжиж, 98,38 хувийн саналтайгаар Вьетнамын төрийн тэргүүн болжээ. Үр дүнг танилцуулсны дараа төрийн тэргүүний албан тушаалд очих ёслол болж, дараа нь Во Ван Тхыонг эх орон, Коммунист нам, Вьетнамын ард түмэнд үнэнч байна гэдгээ тангаргалах аж.
Өдгөө 52 настай Во Ван Тхыонг Вьетнамын 12 дахь ерөнхийлөгч болж байгаа юм. Түүнээс өмнө төрийн тэргүүний албан тушаалыг Нгуен Суан Фук хашиж байсан бөгөөд тэрбээр нэгдүгээр сарын 17-ны өдөр үүрэгт ажлаа өгч огцорсон. Тэрбээр өндөр албан тушаалтнууд оролцсон авлигын дуулианы төлөө хариуцлага хүлээж огцорсон гэж хэвлэлүүд мэдээлж байв.
Г.Бямбасүрэн
| Уншиж байна |