Катарт болж буй дэлхийн аварга шалгаруулах тэмцээний хагас шигшээгийн тоглолт 12 дугаар сарын 14-нд Франц, Мароккогийн хооронд болж, францчууд 2:0  харьцаагаар ялснаар аваргын төлөө тоглохоор болсон юм. 

Францын шигшээ баг цомын төлөө Аргентины багтай тоглох бөгөөд энэ хоёр баг ялагч болох боломжийг Five Thirty Eight компанийн суперкомпьютер тооцоолжээ. Суперкомпьютер энэ тооцооллыг хийхдээ довтлох болон хамгаалах тал дээр багийн хүч ямар байгааг харуулдаг Soccer Power Index дээр тулгуурладаг байна.

Энэ компьютерын гаргасан тооцооллоор аргентинчууд ялах магадлал өндөр байгаа аж. Тодруулбал, цомын төлөөх тоглолтод Аргентины баг ялах магадлал 53 хувь, харин Франц ялах боломж 47 хувьтай байгаа гэж суперкомпьютер тооцоолжээ. 

Өмнө нь суперкомпьютер хагас шигшээгийн тоглолтуудын таамгийг гаргаж байсан. Энэ тооцооллоор Аргентин болон Францын шигшээ багийг финалд шалгарна гэсэн дүн гарч байлаа. 

Г.Бямбасүрэн