Хоёр өдөр үргэлжилсэн жагсаал Улаанбаатар хотод Онц байдал зарлах эсэх асуудал хөндөх хүртэл өндрөө авлаа. Залуус хэд хэдэн удаа эмх замбараагүй байдал үүсгэж, жирийн иргэд, цагдаа нар эмнэлэгт хүргэгдлээ.

Төрийн ордны хашаа, хаалга, автомашин жагсагчдын эмх замбараагүй байдлаас үүдэн эвдэв сүйтгэгдэв. Үйл явцаас үүдэн хотын дарга жагсаалыг хүчээр дараах ЗАХИРАМЖ гаргалаа. Захирамж гарахтай зэрэгцэн УИХ-ын дарга чуулганаа цахимаар хаалттай хуралдуулах тов зарлав. Чуулганы хаалттай  хуралдаанаар нийслэлд онц байдал зарлах асуудлыг авч хэлэлцсэн юм. Улмаар Онц байдал тогтоох шаардлагагүй гэсэн шийдвэр гарав. Харин цаашид нөхцөл байдал даамжирвал Үндэсний аюулгүй байдлын зөвлөмжөөр холбогдох арга хэмжээ авч хэрэгжүүлэхийг Улсын Их Хурал дэмжсэн юм. 

Тэгвэл яг одоо Төрийн ордонд МАН-ын Удирдах зөвлөл хуралдаж эхэлсэн байна. Эрх баригчид удирдах түвшинд нүүрсний хулгайчдадаа хариуцлага тооцох, улмаар УИХ-ыг тарааж, Засгийн газрыг огцруулах хувилбарыг боловсруулж эхэлсэн гэх мэдээлэл байна. 

П.ГОО