Монголбанкнаас цаг үеийн асуудлаар мэдээлэл хийлээ. Монголбанкны Ерөнхийлөгч Б.Лхагвасүрэн:

-Ковидтой холбоотой хуулийн төсөлд өөрчлөлт оруулах төслийг өргөн барьж байна. Зээлийн хүүгийн дарамт байгаа нь эх үүсвэртэй холбоотой. Хугацаагүй хадгаламжинд хүү төлөхгүй байх, хугацаатай хадгаламж хүү төлнө. Ипотекийн зээлийг санхүүжүүлэх зорилгоор үнэт цаас нэмж өгөх боломжийг нээх. 

Банкууд зээлийн гэрээг сунгах хүсэлтийг цахимаар хүлээн авч байгаа. Ингэхдээ гарын үсэг зурах шаардлага гарч байгаа. Тиймээс цахимаар гарын үсэг солилцох талаар хуулийн төсөлд оруулж байна. Мөн аль болох бэлэн мөнгөн тэмдэгт гаргах талаар төсөлд тавьж байгаа. Монголбанк ханшин дээр хэлбэлзэл гаргахгүй байх тал дээр анхаарна. Үүсээд байгаа хүндрэлийг шийдэх үүднээс эдгээр шийдвэрийг гаргасан гэлээ. 

Банкнуудын холбооны захирал н.Амар:

-Банкны салбар IT техонологийг нэвтрүүлж байсандаа 90 хувь нь цахимжижээ. Хэрэглэгчдийн 90-ээд хувь нь цахимаар үйлчилгээгээ авдаг байна. Халамж авдаг иргэдийн 10 орчим хувь нь банкин дээр очиж үйлчилгээ авдаг байсан байна. Банкууд иргэддээ бэлнээр биш цахимаар авдаг боломжийг нь нээхээр хүсэлт авч байна. Банкны картыг хэвлэж, шуудангаар хүргүүлж байгаа.