Монгол-Оросын хамтарсан III сургуулийн захирал Ж.Соронзонг өнгөрсөн 2022 оны есдүгээр сард ажлаас нь чөлөөлсөн. Улмаар өнгөрсөн 2023 оны арваннэгдүгээр сард Ж.Соронзон албан үүрэгтээ буцаан томилогдохоор салбарын сайдыг шүүхэд өгч, Сүхбаатар дүүргийн захиргааны хэргийн шүүхээс түүнийг буцаан томилох боломжгүй гэж үзсэн байдаг. 

Тэгвэл Ж.Соронзон анхан шатны шүүхийн шийдвэрийг эсэргүүцэж, давж заалдах шатны шүүхэд хандсан байдаг. Тус давж заалдах шүүх хурал өнөөдөр болох ажээ.  Хэргийн тухайд эргэн сануулбал,  Ж.Соронзонг албан тушаалын эрх мэдлээ урвуулан ашиглаж, өөртөө болон бусдад давуу тал бий болгосныг АТГ-аас тогтоож, яллагдагчаар татаж шалгасан байдаг юм.