Сүүлийн 24 цагийн хугацаанд улсын хэмжээнд шинээр 390 халдварын тохиолдол батлагдлаа. Үүний 187 Улаанбаатарт, 203 орон нутагт бүртгэгдэв. Мөн хугацаанд халдварын суурь шалтгаантай нас баралт бүртгэгдээгүй. Өнөөдрийн байдлаар эмнэлэгт 2835 хүн хэвтэн эмчлүүлж байна. Тэдний 737 хүний биеийн байдал хөнгөн бол 42 хүн нэн хүнд байна.

Өчигдөр нийслэлийн хэмжээнд I тунд 30, II тунд 34, III тунд 296, IV тунд 570, нийт 930 иргэнийг дархлаажууллаа. Вакцинжуулалт эхэлснээс хойш нийслэлийн зорилтот хүн амын I тунгийн хамралт 75.2 хувь, II тунгийн хамралт 72 хувь, III тунгийн хамралт 53.2 хувь, нэмэлт IV тунгийн хамрагдалт 6.1 хувь байна.

27-нд баруун аймгуудын нутгийн өмнөд, төв болон говийн аймгуудын нутгийн баруун хэсгээр, 28-нд нутгийн өмнөд хэсгээр цас орж, цасан шуурга шуурахыг анхааруулж байна.

МИАТ ТӨХК-ийн Улаанбаатар-Москва-Франкфурт-Москва-Улаанбаатар чиглэлийн зорчигч тээврийн нислэгүүд нь Украин улсын агаарын хил орчмын бүсээс алслагдсан зайд нислэг үйлддэг.

Авлигатай тэмцэх газрын Мөрдөн шалгах хэлтсээс С.Эрдэнэ, Б.Ундармаа, А.Ариунболд нарт холбогдох нийгмийн даатгалын сангийн хөрөнгийг “Капитал” банкинд байршуулсан үйлдэлд эрүүгийн хэрэг үүсгэн шалгасан. Мөрдөн шалгах ажиллагааны явцад дараах үл хөдлөх хөрөнгүүдийг “Капитал банк” ХХК-д мөнгөн хөрөнгөө хадгалуулж байсан хадгаламж эзэмшигчдийн хөрөнгөөр барьж гүйцэтгүүлсэн нь тогтоогдсон.

Монгол Улсад орчин цагийн Дотоодын цэрэг үүсэж хөгжсөний түүхт 100 жилийн ойд зориулсан шатрын тэмцээнийг Дотоодын Цэргийн Штабаас "Хүч" спорт хороотой хамтран зохион байгуулж байна.

2021 оны арваннэгдүгээр сарын 28-наас Монгол Улсаас экспортолдог байсан  тодорхой нэр төрлийн ачаануудад БНХАУ-ын талаас хориг тавьсан. Хэлэлцээрээр хоногт 14 галт тэрэг болгосон. Одоогийн байдлаар хоногт 10 галт тэрэг гарч байна. Хорио бүрэн цуцлагдаагүй. Гарч буй галт тэргэнд дамжин өнгөрөх ачаатай чингэлэг 4, бусад нь экспортын төмрийн хүдэр, нүүрс, Эрдэнэтийн зэс гэх ачаанууд байна. 

Замын-Үүд Эрээний хооронд чингэлгийн тээвэрлэлтийн үйл ажиллагаа нэгдүгээр сарын 11-нээс эхэлсэн. Өчигдөр буюу хоёрдугаар сарын 24-ний өдрийн байдлаар 50 машинд нийт 65 чингэлэг орж ирсэн байна. Чингэлэг тээвэрлэлт эхэлсэн өнөөдрийг хүртэлх хугацаанд нийт 1798 машинд 20 тонны 1081, 40 тонны 1251, нийт 2332 чингэлэг ачаа барааг оруулж иржээ.

Сүүлийн 24 цагийн хугацаанд улсын хэмжээнд шинээр 517 халдварын тохиолдол батлагдлаа. Үүний 279 Улаанбаатарт, 238 орон нутагт бүртгэгдэв. Мөн хугацаанд халдварын улмаас 4 хүн нас барлаа. Ингэснээр нийт нас баралт 2095 болж байна. Өнөөдрийн байдлаар эмнэлэгт 3105 хүн хэвтэн эмчлүүлж байна. Тэдний 818 хүний биеийн байдал хөнгөн бол 453 хүн нэн хүнд байна.

Эрчим хүчний сайд Н.Тавинбэх болон холбогдох албаны хүмүүс Ховд, Увс, Баян-Өлгий аймгуудад ажиллаж байна.

Авлигатай тэмцэх газрын Хяналт шалгалт, дүн шинжилгээний хэлтэс нь 2022 оны 2 дугаар сарын 14-18-ны өдрүүдэд нийтийн албанд томилогдохоор нэр дэвшсэн 319 иргэний хувийн ашиг сонирхлын урьдчилсан мэдүүлгийг шалган, 115 мэдүүлгийг хянан шийдвэрлэлээ.

Консулын ажилтнууд “дайн болохгүй” гэж инээж шоолоод байхаар нь төгсөх курсын оюутнууд учраас Монгол Улсаас бичиг хүлээгээд үлдчихсэн байсан. Улсаас бид санхүү хүсээгүй, тусгай онгоц ч хүсээгүй. Ганцхан бичиг хүссэн. Удаан хугацаанд худлаа ярьж, хойрго хандсан учраас цаашид яахыг мэдэхгүй, итгэхгүй байна.

Увс аймгийн Улаангом сумын 1 дүгээр багийн Чандмань хорооны 1 дүгээр гудамжинд автомашин шатаж байна гэсэн дуудлагыг 02.24-ний өдрийн 10:54 цагт хүлээн авсан байна.

Хөгжлийн банкны удирдлагууд цаг үеийн асуудлаар мэдээлнэ.

Өнөөдөр Улаанбаатар хотод суурин 156 цэгт 156 багийн 746 эмч, ажилтан ажиллана. Та өөрт ойр вакцины аль ч цэгт очиж дархлаажуулалтад хамрагдах боломжтой. Дархлаажуулалтын цэгүүд 09:00-17:30 цаг хүртэл ажиллана.

Ихэнх нутгаар үүлшинэ. Төв болон зүүн аймгуудын нутгийн зарим газраар цас орж, явган шуурга шуурна. Бусад нутгаар цас орохгүй. Салхи ихэнх нутгаар баруун хойноос секундэд 5-10 метр, Алтайн салбар уулс болон говь, тал хээрийн нутгаар зарим үед секундэд 13-15 метр  хүрч ширүүснэ.

Өнөөдрийн байдлаар 41 оюутан эх орондоо ирээд байна. Одоо төгсөх курсын болон хэлний бэлтгэлд сууж байгаа 27 оюутан Украин улсад байна. Тэд эх орондоо ирэх хүсэлтээ гаргасан.

Монгол Улсын Ерөнхийлөгчийн ивээл дор зохион байгуулсан “Хөвсгөл нуурыг хамгаалах үндэсний чуулган”-аар нуурын экосистемийг хамгаалах, бохирдол, доройтлыг бууруулах, тулгамдсан асуудлыг шийдвэрлэх, тогтвортой аялал жуулчлалыг хөгжүүлэх талаар хэлэлцэн зөвлөмж гаргав.

НИТХ-аас Үндэсний соёл амралтын хүрээлэн /ҮСАХ/-гийн газар олголт, түүний төлөвлөлт болон  ҮСАХ нь үүргээ биелүүлж буй эсэхийг судалж, цаашид хэрэгжүүлэх арга хэмжээний санал дүгнэлт боловсруулах үүрэг бүхий Ажлын хэсгийг 2021 онд байгуулсан. Ажлын хэсгийг НИТХ-ын төлөөлөгч Б.Мягмар ахалдаг бөгөөд Ажлын хэсгийн ээлжит хуралдаан өнөөдөр боллоо.

Харьков хотод хоргодох байр байхгүй. Агаарын дайралт эхэлснээс хойш хүмүүс метронд нуугдаж байгаа. Бид ч метронд сууж байна. Манай хотод Монгол оюутнууд суралцдаг. Харьков хотод суралцдаг Монгол оюутнууд нэгнийдээ цуглараад хамт байгаа юм байна. Утасны сүлжээнд нь доголдол үүссэн учраас ярих боломжгүй байгаа. Тийм учраас “метронд, аюулгүй газар ороорой” гэж зурвас бичсэн.  Монгол Улсаас Польш Улсад суугаа ЭСЯ болон Украин дахь Өргөмжит консулаас холбогдож  “Украины нийслэл Киевд ирэх боломж байна уу” гэж асуусан. Бидэнд метроноос  гарах боломж  алга.  Гадагшаа гарах боломжгүй. Харьков хотоос гарах хөдөлгөөнийг хаасан. ОХУ-ын танк манай  хот руу ороод ирсэн гэх мэдээлэл сая ирлээ