Өнөөдөр нутгийн хойд хэсгээр хүйтэн, нутгийн өмнөд хэсгээр салхи шуургатай байна.

Сонгинохайрхан дүүрэгт нэг айлын хоёр хүүхдэд менингококкийн халдвар батлагдаж, нэг хүүхэд эндээд байна. Нөгөө хүүхдийн бие хүнд байдалтай, эмчлүүлж байна.

Авлигатай тэмцэх газрын Хяналт шалгалт, дүн шинжилгээний хэлтэс нь 2022 оны 3 дугаар сарын 7-11-ний өдрүүдэд нийтийн албанд томилогдохоор нэр дэвшсэн 330 иргэний хувийн ашиг сонирхлын урьдчилсан мэдүүлгийг шалган, 173 мэдүүлгийг хянан шийдвэрлэлээ. Одоогоор ажиллагаанд 157 нэр дэвшигчийн урьдчилсан мэдүүлэг хянагдаж байна.

Монголын Залуучуудын холбооны өмнөх удирдлага “Спирт уу, Спорт уу гэдэг аяныг өрнүүлж байсан.  Монголын Залуучуудын холбоо төр засгийнхаа зөв зүйлийг нь тууштай дэмжинэ. Харин буруу зүйлийг нь хатуу шүүмжилж, зогсооно гэдгээ маш олон удаа илэрхийлсэн. Энэ хүрээнд 14-ний өдөр Монгол Улсын Ерөнхийлөгч ард иргэдийнхээ загатнасан газар маажиж, архидалтын асуудлыг хөндлөө.

Эрүүл мэндийн яамнаас коронавирусийн халдварын 2022 оны 03 дугаар сарын 16-ны өдрийн тоон мэдээллийг гаргалаа. Сүүлийн 24 цагийн хугацаанд улсын хэмжээнд 164 халдвар шинжилгээгээр батлагдлаа. Үүний 106 нь Улаанбаатарт, 58 нь орон нутагт бүртгэгдсэн байна. Харин нас баралт бүртгэгдээгүй байна. 

Өвөрхангай аймгийн Гучин-Ус сумын “Гучин” 2 дугаар баг Задгай гэдэг газар 03.14-ний өдрийн 16:30 цагийн орчим 16-18 м/сек хүчтэй шороон шуурга шуурсаны улмаас малчин Ч-ын 4 ханатай гэр нурсан тухай мэдээллийг 03.15-ны өдрийн 10:10 цагт хүлээн авсан байна. 

“Тамирчдыг амраах хэрэгтэй. Цувралын дараагийн тоглолтыг 2-3 хоног хойшлуулах шаардлагатай. Тамирчдаа хайрла. Эрдэнэтийн Уурхайчид баг хагас шигшээд долоон тоглолт хийж гарч ирсэн. Тэд ядарч байна. Дараагийн тоглолтыг хойшлуулах хэрэгтэй. Хагас шигшээ тоглолтын дараа 46 цагийн амралттай тамирчид сайн тоглохгүй нь тодорхой. Ядарч байгаа. Амралт хэрэгтэй” гэж сагсан бөмбөг сонирхогч, үзэгчид олон нийтийн цахим сүлжээнд санал бодлоо илэрхийлсээр байна.

Өнөөдөр Улаанбаатар хотод суурин 35 цэгт 35 багийн 142 эмч, ажилтан ажиллана. Та өөрт ойр вакцины аль ч цэгт очиж дархлаажуулалтад хамрагдах боломжтой. Дархлаажуулалтын цэгүүд 09:00-17:30 цаг хүртэл ажиллана.

Ихэнх нутгаар үүлшинэ. Хангайн уулархаг нутаг, говийн бүс нутгийн баруун өмнөд хэсгээр нойтон цас, цас орж, явган шуурга шуурна. Салхи нутгийн баруун өмнөд хэсгээр баруун өмнөөс, бусад нутгаар баруун хойноос секундэд 8-13 метр, нутгийн өмнөд хэсгээр түр зуур секундэд 16-18 метр хүртэл ширүүсэж, шороон шуурга шуурна.

Нийслэлийн Засаг дарга Улаанбаатар хотын нутаг дэвсгэрийг хөрсний ус, уруйн болон усны үерийн аюулаас хамгаалах, урьдчилан сэргийлэх ажлыг эрчимжүүлж, үерийн хамгаалалтын далан, сувгийг таглан байрласан объект, байгууламж, үерийн хамгаалалтын бүсэд зөвшөөрөлгүй буусан айл өрх, аж ахуй нэгжид хяналт тавих, зөрчлийг арилгуулах үүргийг холбогдох албадад өгөөд байна.

Манай улсад коронавирусийн халдварын тохиолдлын тоо буурч буй.

Томуугийн өвчлөл нэмэгдэж, дүүрэг болон хүүхдийн эмнэлгүүд ачааллаа дийлэхгүй байна.

Нийслэлийн Баянзүрх дүүргийн 11 дүгээр хороо, “Нам даваа” гэдэг газар  Иргэн А, малд явж байгаад 03.13-ны өдрийн 11 цагийн үед сураггүй болсон гэсэн дуудлагыг Цагдаагийн байгууллагаас 03.14-ний өдрийн 18:28 цагт хүлээн авсан байна.

Нийслэлийн Засаг даргын Нийгмийн хөгжил, боловсрол, эрүүл мэндийн асуудал хариуцсан орлогч З.Төмөртөмөө Хүртээмжтэй боловсролын төлөөх Эрдэм холбоо ТББ, “Elab education academy”-ийн Elab төслийн зохицуулагч Э.Санжсүрэн нар өнөөдөр 2021-2025 онд хамтран ажиллах санамж бичигт гарын үсэг зурлаа. Санамж бичгийн хүрээнд талууд ерөнхий боловсролын сургуулийн төгсөх ангийн сурагчдыг элсэлтийн ерөнхий шалгалтад бэлтгэх, дунд ангийн сурагчдын хоцрогдол арилгах болон олимпиадад бэлтгэх, ахисан шатны гүнзгийрүүлсэн сургалтад бэлтгэх, залуу багш нарыг чадваржуулах гурван чиглэлд хамтран ажиллах юм.

“Монгол цэргийн өдөр, Орчин цагийн Зэвсэгт хүчний 101 жилийн ой”-д зориулсан Улс, аймгийн алдар цолтой 256 бөхийн барилдаан гуравдугаар сарын 17-нд 12:00 цагаас Монгол бөхийн өргөөнд болно.

Монгол Улсын Засгийн газраас Шинэ сэргэлтийн бодлогыг хэрэгжүүлэх хүрээнд  "Монголын эдийн засгийн форум 2022” чуулганыг дөрөвдүгээр сарын 07, 08-нд зохион байгуулахаар шийдвэрлэсэн. Чуулга уулзалтыг угтаж Шинэ сэргэлтийн бодлогын зургаан зорилт тус бүрээр урьдчилсан хэлэлцүүлгийг гуравдугаар сарын 21-нээс 30-ны хооронд зохион байгуулна.

Монголын спортын сэтгүүлчдийн холбооны Удирдах зөвлөлийн гишүүн Д.Нямбилэгийн спорт, олимпизмын хөгжилд оруулсан хувь нэмрийг үнэлэн МҮОХ-ны “Олимпын алдар” одонгоор шагналаа. Шагналыг МҮОХ-ны Ерөнхийлөгчийн үүрэг гүйцэтгэгч Ч.Наранбаатар, Ерөнхий нарийн бичгийн дарга Э.Бадар-Ууган, Гүйцэтгэх зөвлөлийн гишүүн Ц.Сандуй нар гардуулж өгөв.

Өнөөдөр Улаанбаатар хотын хэмжээнд үер усны аюултай бүс, голын ай сав, үерийн байгууламж орчимд аж төрж буй 2800 гаруй өрх байна. Тэдгээр өрхийн олонх нь зөвшөөрөлгүй бөгөөд болзошгүй аюулаас сэргийлж шилжин суурьших шаардлагыг ч үл тоон аж төрсөөр өнөөг хүрчээ. Жил бүрийн хаврын улиралд цөөнгүй айл өрх уруйн болон усны үерт автаж, булаг шанд, голын усны халиа тошин үүссэнээс болж хохирол амсдаг. Тиймээс Нийслэлийн Засаг дарга Улаанбаатар хотын нутаг дэвсгэрийг хөрсний ус, уруйн болон усны үерийн аюулаас хамгаалах, урьдчилан сэргийлэх ажлыг эрчимжүүлж, үерийн хамгаалалтын далан, сувгийг таглан байрласан объект, байгууламж, үерийн хамгаалалтын бүсэд зөвшөөрөлгүй буусан айл өрх, аж ахуй нэгжид хяналт тавих, зөрчлийг арилгуулах үүргийг холбогдох албадад өгөөд байна.

Өнөөдөр хэрэглэгчдийн эрх ашгийг хамгаалах олон улсын өдөр. Олон Улсын хэрэглэгчдийн байгууллага 2021 оныг хуванцар хог хаягдлын эсрэг жил болгон зарласан. Монголын хэрэглэгчдийн байгууллага, хамтран ажилладаг төрийн бус байгууллага, иргэний нийгмийн байгууллагууд жилийнхээ ажлын тайланг тавих ажлыг зохион байгууллага.

Сүүлийн 24 цагийн хугацаанд улсын хэмжээнд шинээр халдварын 97 тохиолдол батлагдлаа. Үүний 80 нь Улаанбаатарт, 17 нь орон нутагт бүртгэгдэв. Харин нас баралт бүртгэгдээгүй байна. Өнөөдрийн байдлаар эмнэлэгт 856 хүн хэвтэн эмчлүүлж байна. Тэдний 9 хүний бие нэн хүнд бол 197 нь хөнгөн байна.