Улсын хэмжээнд 130 мянган барилга байгаагаас Улаанбаатарт 117 мянга орчим нь байгаа. Нийт барилга байгууламжийн 13.1 хувь буюу 17 мянган барилга газар хөдлөлтийн тэсвэржилт нь буурсан буюу газар хөдлөлтийг тэсвэрлэх арга хэмжээгүйгээр ашиглагдаж байна гэсэн тооцоо судалгаа гарч байна. Олон хүн цуглардаг үзвэр үйлчилгээний барилгууд, орон сууцны барилгуудын төлөв байдлуудыг яаралтай тогтоох шаардлага гарч байна.

Засгийн газрын 2011 оны 339 дүгээр тогтоолоор жил бүрийн гуравдугаар сарын дөрөв дэх долоо хоногийн Пүрэв гараг буюу өнөөдөр 16:00 цагт орон даяар гамшгийн зарлан мэдээллийн дуут дохио дуугарна.  

“Тэрбум мод” хөдөлгөөнийг нийслэлд 2030 он хүртэл гурван зорилтын хүрээнд хэрэгжүүлэхээр ажиллаж байна. Тухайлбал, ойжуулалт, нөхөн сэргээлтэд 12.948 га талбайд 20.7 сая мод, бүх төрлийн хамгаалалтын ойн зурваст 3350 га-д 4.5 сая мод, мөн Улаанбаатар хотын Захирагчийн ажлын алба 65 сая мод нийслэлийн суурьшлын бүсэд тарьж, ургуулахаар бэлдсэн. Ойжуулалт, цэцэрлэгжүүлэлтийн төслийг олон улсын байгууллага, хувийн хэвшил, иргэний оролцоотой өрнүүлж 29.8 сая мод, нийт 120 сая модыг нийслэлд тарьж ургуулна. Түүнчлэн уур амьсгалын өөрчлөлтийг сааруулах, ойн хомсдол, доройтлыг бууруулах, усны нөөцийг нэмэгдүүлэх зорилгоор түймэрт өртсөн, хөнөөлт шавжинд идэгдсэн, мод бэлтгэсэн талбайг нөхөн сэргээх, ойжуулах ажлыг хийхээр төлөвлөсөн. 2022 онд нийслэлд 131.4 га-д ойжуулалт, ойн нөхөн сэргээлт, ойн зурвас байгуулахаар төлөвлөн ажиллаж байна"

Сэлэнгэ аймгийн Мандал сумын Тарни 8 дугаар багийн “Дарьт” гэдэг газар Түймрийн солбицол: 48°55’1.13”N 106°37’13.31”E Хээрийн гал түймэр гарсан тухай дуудлагыг 03.23-ны өдрийн 16:32 цагт хүлээн авсан байна.

Хүн амыг нас, хүйс, эрүүл мэндийн эрсдэлд суурилсан зонхилон тохиолдох халдварт болон халдварт бус өвчнөөс урьдчилан сэргийлэх эрт илрүүлэх үзлэг, шинжилгээ, оношлогоо ирэх тавдугаар сарын 1-нээс орон даяар эхэлнэ. Иргэн бүр хамрагдах үзлэг оношлогоог насанд хүрэгчид болон хүүхэд гэсэн ангиллаар зохион байгуулж, дараах үзлэг шинжилгээг хийх юм байна.

Эх орноо төлөөлөн мэргэжлийн төгөлдөр хуурчдын тэмцээнд оролцох гэж байна. “CITTA DI TREVISO” тэмцээн маань дөрөвдүгээр сарын 01-03-ны өдрүүдэд Итали улсын Тревисо хотод зохион байгуулагдана. Энэ сарын 26-нд нисэх төлөвлөгөөтэй байна. Гэхдээ амжих эсэхээ хэлж мэдэхгүй юм. Учир нь санхүүгийн асуудалтай тулгарч байна.

Монгол Улсын Засгийн газрын 2017 оны 67 дугаар тогтоолоор жил бүрийн гуравдугаар сарын дөрөв дэх долоо хоногийн лхагва гарагийг “Газар хөдлөлтийн аюулаас урьдчилан сэргийлэх, таниулах өдөр” болгох шийдвэрийг гаргасан бол пүрэв гарагт Зарлан мэдээллийн дуут дохиогоор ажилладаг уламжлалтай.

Сүүлийн 24 цагийн хугацаанд улсын хэмжээнд 85 халдвар шинжилгээгээр батлагдлаа. Үүний 62 нь Улаанбаатарт, 23 нь орон нутагт бүртгэгдсэн байна. Харин нас баралт бүртгэгдээгүй байна. Өнөөдрийн байдлаар эмнэлэгт 467 хүн хэвтэн эмчлүүлж байна. Тэднээс 15 хүний биеийн байдал нэн хүнд бол 117 хүн хөнгөн байна.

Он гарсаар НМХГ-т нийт зургаан осол бүртгэгдсэн. Үүнээс 5 хөдөлмөрийн аюулгүй байдалтай холбоотой осол бол нэг нь лифттэй холбоотой осол байна. Тухайн ослууд Зөрчлийн тухай хуулиараа цагдаад бүртгэгдээд, мэргэжлийн хяналтын байгууллагын улсын байцаагчид ажил үүргийн хүрээнд оролцоод явж байгаа. Он гарсаар НМХГ-аас мэргэжлийн холбогдох байгууллагуудад бүх чиглэлийн зөвлөмж хүргүүлсэн.  Нийт 2800 гаруй лифт эзэмшигч байгууллага, 696 лифт ашиглагч, эзэмшигч иргэн, ААН-үүдэд мэдэгдэл хүргүүлсэн. Мөн хөдөлмөрийн аюулгүй байдлын чиглэлээр барилга угсралтын үйл ажиллагаа явуулж байгаа 260 барилга байгууламжийн захиалагч, гүйцэтгэгч аж ахуй нэгжид зөвлөмж, мэдэгдэл хүргүүлсэн.

Монгол Улсын Засгийн газрын 2017 оны 67 дугаар тогтоолоор жил бүрийн гуравдугаар сарын дөрөв дэх долоо хоногийн лхагва гарагийг “Газар хөдлөлтийн аюулаас урьдчилан сэргийлэх, таниулах өдөр” болгох шийдвэрийг гаргасан бол пүрэв гарагт Зарлан мэдээллийн дуут дохиогоор ажилладаг уламжлалтай.

"Монгол ньюс" мэдээллийн төвд 409 дүгээр хорих ангид хоригдож буй Э.Бат-Үүл өлсгөлөн зарлах болсон талаар түүний өмгөөлөгч А.Пүрэв­­­дулам, хүү Б.Чулуудай хэвлэлийн хурал хийнэ.

Монгол хэл, бичгийн шалгалтыг энэ жил хоёр удаа зохион байгуулна. Босго оноо нь 400 байна. Эхний шалгалтыг дөрөвдүгээр сарын 02-нд зохион байгуулах бол дахин шалгалтыг тавдугаар сарын 07-нд  зохион байгуулна. Монгол хэл, бичгийн шалгалтын ирэх сарын шалгалтад босго онооны болзол хангаагүй болон эхний шалгалтад хүндэтгэн үзэх шалтгаанаар шалгалт өгч амжаагүй хүүхдүүдээс дахин шалгалт авна.Тавдугаар сард зохион байгуулах шалгалтад шалгуулагчид дөрөвдүгээр сарын 13-наас эхэлж бүртгүүлэх боломжтой.

Өнөөдөр Улаанбаатар хотод суурин 35 цэгт 35 багийн 142 эмч, ажилтан ажиллана. Та өөрт ойр вакцины аль ч цэгт очиж дархлаажуулалтад хамрагдах боломжтой. Дархлаажуулалтын цэгүүд 09:00-17:00 цаг хүртэл ажиллана.

Өнөөдөр Баян-Өлгийн өмнөд хэсгээр цасан шуурга шуурч, Говь-Алтайн нутаг,  Баян-Өлгийн хойд, Увсын өмнөд, Ховдын зүүн болон хойд хэсгээр салхи секундэд 18-20 метр, зарим үед секундэд 24 метр хүрч ширүүснэ.

Авлигатай тэмцэх газрын Хяналт шалгалт, дүн шинжилгээний хэлтэс нь 2022 оны 3 дугаар сарын 14-18-ны өдрүүдэд нийтийн албанд томилогдохоор нэр дэвшсэн 301 иргэний хувийн ашиг сонирхлын урьдчилсан мэдүүлгийг шалган, 136 мэдүүлгийг хянан шийдвэрлэлээ. Одоогоор ажиллагаанд 165 нэр дэвшигчийн урьдчилсан мэдүүлэг хянагдаж байна.

Хийн урт бууны дасгалд О.Есүгэн 634.0 оноогоор алтан медаль хүртсэн бол О.Янжинлхам 631.5 оноогоор мөнгөн медаль хүртжээ. Харин эрэгтэйчүүдийн хийн гар бууны дасгалд Э.Даваахүү 583 оноогоор алт, эмэгтэйчүүдэд Т.Баярцэцэг 575 оноогоор алт, Ц.Мөнхзул 572 оноогоор мөнгөн медаль хүртсэн байна.

Нийслэлийн ногоон бүсэд шар өвс, ой, хээрийн түймрээс урьдчилан сэргийлэх ажлыг эрчимжүүллээ. Тодруулбал, ногоон бүсэд Нийслэлийн Онцгой байдлын газар, Цагдаагийн удирдах газар, Байгаль орчны газар, Богдхан уулын Дархан цаазат газрын хамгаалалтын захиргааны хамтарсан хөдөлгөөнт эргүүл үүрэг гүйцэтгэж эхлэв.

Үндэсний их баяр наадам зохион байгуулах хорооны даргын үүрэг гүйцэтгэгчээр ажиллаж байсан одоо ХЗДХ-ийн сайд Х.Нямбаатар 2021 оны зургадугаар сарын 30-ны өдрийн 07 тоот Үндэсний их баяр наадам зохион байгуулах хорооны тогтоолоор Үндэсний их баяр наадмаар хурдан морины уралдааныг ялгаж уралдуулах журам баталсан. Гэтэл нийтээр дагаж мөрдөн хэм хэмжээ нь  Монгол Улсын Захиргааны ерөнхий хуулийг зөрчиж байна. Энэхүү журмыг батлахдаа тухайн салбарын төрийн бус байгууллагууд, эрдэмтэн судлаачдыг оролцуулаад захиргааны ерөнхий хуульд заасны дагуу бэлтгэл ажил боловсруулалтыг хийж, нийтээр дагаж мөрдөх хэм хэмжээг баталдаг.

Хөгжлийн банктай холбоотой хэрэг мөрдөх байгууллага дээр хэрэг бүртгэлтийн 29 хэрэг, мөрдөн байцаалтын 12 хэрэг шалгагдаж байна. Өөрөөр хэлбэл, 41 хэргийн хэрэг бүртгэлт, мөрдөн байцаалтын ажиллагаа хийгдэж байгаа. Уг 41 хэрэгт нийт 74 аж ахуй нэгж холбогдон, шалгагдаж байна. Нийт 2 их наяд 383 тэрбум төгрөгийн зээл хууль ёсны дагуу олгогдсон эсэх, эргэн төлөлт, холбогдох хүмүүс албан тушаалаа урвуулан ашигласан эсэх, мөнгө угаалт зэрэг гэмт хэргийн шинж байгаа эсэхэд хэрэг бүртгэлт, мөрдөн байцаалтын ажиллагаа  явагдаж байна.

“Жил бүрийн гуравдугаар сар онцлог байдаг. Энэ баяруудыг угтаж цагдаагийн байгууллагаас согтуугаар үйлдэгдэх гэмт хэргээс урьдчилан сэргийлэх, архины хор хөнөөлийг хүүхэд залуучуудад ойлгуулах "Зөвийг зөвлөе" арга хэмжээг гуравдугаар сарын 04-21-ний хооронд зохион байгуулж ажиллалаа. Энэ хугацаанд гэмт хэрэг зөрчлийн талаарх мэдээ мэдээллийг хүргэе.