Өнөөдрийн байдлаар эмнэлэгт 240 хүн хэвтэн эмчлүүлж байна. Тэднээс 12 хүний биеийн байдал нэн хүнд бол 30 хүн хөнгөн байна.

Зорилтот бүлгийн буюу 3039 (25.5 хувь) жирэмсэн эх, 12-15 насны 68.773 (77.4 хувь), 16-17 насны 27.091 (79.9 хувь) хүүхэд тус тус дархлаажуулалтын бүрэн тунд хамрагдлаа.

Хэрэг бүртгэлт, мөрдөн байцаалтын ажиллагаанд сэжигтэн, яллагдагч,  хохирогч, гэрчээс мэдүүлэг авдаг. Мэдүүлэг нь өөрөө нотлох баримтын хэмжээнд үнэлэгддэг хэдий ч уг мэдүүлэг нь бусад  нотлох баримтуудаар үнэн зөв нь нотлогдож, тогтоогдож байх ёстой. Мөрдөн шалгах ажиллагаа явагдаж эхэлмэгц оролцогч нэг бүрээс заавал мэдүүлэг авах ёстой байдаггүй л дээ. Учир нь мөрдөн шалгах ажиллагаа зөвхөн мэдүүлэг, байцаалтад суурилж явдаггүй.

Япон болон Монгол Улсын хооронд дипломат харилцаа тогтоосны 50 жилийн ойн хүрээнд Японы Элчин сайдын яам болон Занабазарын нэрэмжит Дүрслэх урлагийн музей хамтран “Японы зурагт хуудас 30 жилийн дараа” нэртэй үзэсгэлэнг зохион байгуулж байна. Тус үзэсгэлэн дөрөвдүгээр сарын 1-17-ны хооронд болох аж.

Монгол азаргыг хэрцгийгээр зэрэмдэглэхээ зогсоо. Монгол морины нуруун дээр өсч торнисон монгол эр хүн азарганыхаа эд эрхтнийг тайрч байна. Монгол азаргыг унтуулж байгаад сэлдий буюу бэлэг эрхтнийг нь тайрч байна. Тодруулбал, цэвэр цусны буюу эрлийз азаргыг оруулж ирж байгаа хүмүүс үр төлөөр нь ашиг олж байна. Нэг эрлийз азарганд 40-50 гүү хураалгаж, хээлтүүлж байна. Харин хээлтэй гүүг нь хамгаалах ажлыг монгол азарга хийдэг. 

Төрийн албаны ерөнхий шалгалт өнөөдөр 08:00 цагт орон даяар нэгэн зэрэг эхэллээ. Энэ удаагийн шалгалтад 7610 иргэн бүртгүүлснээс 3574 нь нийслэлийн иргэн байна. Нийслэлийн иргэд дөрөвдүгээр сарын 1-4-ний  өдрүүдэд нийслэлийн засаг захиргааны тавдугаар байранд шалгалт өгөх юм.

"Хүннү Эйр" компани тодорхойгүй хугацаанд Улаанбаатар-Улаан-Үд-Улаанбаатар чиглэлд нислэг үйлдэхгүй. Энэ талаар "Хүннү Эйр" компани гуравдугаар сарын 30-нд албан ёсны цахим хуудсаараа дамжуулж  мэдэгдэл гаргажээ. 

Энэ жилийн тухайд нийслэл Улаанбаатар хотын нутаг дэвсгэрт хуурайшилт ихтэй, хуурайшилтын зэрэг өндөр түвшинд байна. Он гарснаас хойш нийслэлийн хэмжээнд объектын гал түймрийн дуудлага  609 удаа, шар өвсний галын дуудлага 26 удаа, ойн түймэр нэг бүртгэгдсэн. Эрэн хайх аврах ажиллагааны 27 удаагийн дуудлагын дагуу ажиллалаа.байдлын газрын бэлтгэл ээлжийн бүрэлдэхүүн үүрэг гүйцэтгэж байна.

Сэлэнгэ аймгийн Сүхбаатар сумаас ОХУ-ын Хиагт болон Улаан-Үд хот руу өнөөдрөөс өдөр бүр зорчигч тээвэр явж эхэлсэн талаар Зам тээврийн хөгжлийн яамнаас мэдээллээ. 

Сүүлийн 24 цагийн хугацаанд улсын хэмжээнд 127 халдвар шинжилгээгээр батлагдлаа. Үүний 70 нь Улаанбаатарт, 57 нь орон нутагт бүртгэгдсэн байна. Харин нас баралт бүртгэгдээгүй байна. Өнөөдрийн байдлаар эмнэлэгт 283 хүн хэвтэн эмчлүүлж байна. Тэднээс 11 хүний биеийн байдал нэн хүнд бол 39 хүн хөнгөн байна.

Шар усны үерээс урьдчилан сэргийлэх ажлыг зохион байгуулах тухай Нийслэлийн Засаг даргын захирамж гарч, үүрэг даалгавар өгсний дагуу дүүрэг бүр эрсдэлтэй газруудад далан суваг татаж, элс, шороогоор хамгаалалт хийж эхлээд байна.

Монгол Улсын Ерөнхийлөгч У.Хүрэлсүхийн ивээл дор “Монгол Улсын хөгжлийн гарц, шийдэл” эрдэм шинжилгээний бага хурал хоёр дахь удаагаа ХБНГУ-ын Мюнхен хотноо энэ оны 4 дүгээр сарын 2-ны өдөр болно.

БНСУ-д хөдөлмөрийн гэрээгээр ажиллах монгол иргэдийг 2022 оны 04 сарын 25-28-ны өдрүүд бүртгэнэ. Бүртгүүлсэн иргэдээс солонгос хэлний мэдлэгээс гадна эрүүл мэндийн суурь нөхцөл шаардах аж. Тухайлбал, өнгө ялгах чадвар, нурууны диск, гар сарвууны бүрэн байдал зэргийг шалгана. Мөн ур чадварын, ажил үүргийн чадвар зэргийг үнэлэх аж.

Маргааш буюу дөрөвдүгээр сарын 02-нд Монгол хэл, бичгийн шалгалт улс орон даяар зохион байгуулагдана. Монгол хэл бичгийн шалгалт хөдөө орон нутагт 24, нийслэлд 25, улсын хэмжээнд нийт 49 шалгалтын төв дээр зохион байгуулах аж.  Монгол хэл бичгийн шалгалт 2022 оны 04 сарын 02- ны өдөр Улаанбаатарын цагаар 10:00-11:40-д зохион байгуулагдана.

Баянзүрх дүүргийн хэмжээнд гараж буулгаж, чөлөөлсөн газарт тохижилт, бүтээн байгуулалт хийх ажил үргэлжилж байна.

Өнөөдөр дөрөвдүгээр сарын 01. Энэ өдрийг олон улсын “Инээдмийн баяр”-ын өдөр хэмээн дэлхийн улс орнууд тэмдэглэн өнгөрүүлдэг. Зарим оронд тэнэгүүдийн баяр ч гэдэг. Энэ өдөр хүмүүс бие биеэ хуурч, тоглоом шоглоом хийж баясдаг уламжлалттай. Чухам яагаад энэ өдрийг инээдмийн баярын өдөр болгосон тухай албан ёсны тайлбар байдаггүй.

Ерөнхий боловсролын сургуулийн сурагчид өнөөдөр хичээллээд дөрөвдүгээр сарын 4-нээс буюу ирэх  даваа гарагаас эхлэн амарна. Улирлын амралт 2022 оны 4 дүгаар сарын 11 хүртэл үргэлжилнэ.

Өнөөдөр Улаанбаатар хотод суурин 48 цэгт 48 багийн 194 эмч, ажилтан ажиллана. Та өөрт ойр вакцины аль ч цэгт очиж дархлаажуулалтад хамрагдах боломжтой. Дархлаажуулалтын цэгүүд 09:00-16:00 цаг хүртэл ажиллана.

Нутгийн хойд хэсгээр үүлшинэ. Бусад нутгаар солигдмол үүлтэй. Говийн аймгуудын нутгийн зүүн хэсгээр хур тунадас орно. Бусад нутгаар хур тунадас орохгүй. Салхи нутгийн зүүн хэсгээр баруун хойноос, бусад нутгаар баруун өмнөөс секундэд 6-11 метр,  Алтайн уулархаг нутгаар секундэд 12-14 метр хүрч ширүүсэж, шороон шуурга шуурна. Увс нуур болон Дархадын хотгор, Завхан, Идэр, Тэс голын хөндийгөөр 4 хэм хүйтнээс 1 хэм дулаан, Алтай, Хангай, Хөвсгөл, Хэнтийн уулархаг нутаг, Туул, Тэрэлж, Хэрлэн, Онон, Улз, Халх голын хөндий, Дарьгангын тал нутгаар 4-9 хэм, говийн бүс нутгийн баруун өмнөд хэсгээр 11-16 хэм, бусад нутгаар 8-13 хэм дулаан байна.

Сургууль, цэцэрлэгийн чанар, хүртээмжийг сайжруулах ажлын хүрээнд Сүхбаатар дүүргийн 11 дүгээр хороонд улсын төсвийн хөрөнгө оруулалтаар сургууль, цэцэрлэгийн цогцолбор барьж буй. Тэгвэл тус цогцолборын барилга угсралт, тохижилтын ажил дуусаж, ашиглалтад ороход бэлэн болжээ. Нийслэлийн Хөрөнгө оруулалтын газар захиалагчийн хяналт тавьсан энэхүү цогцолборыг “Улаанбаатар барилга” ХХК барьж, ашиглалтад өглөө.