Украинд байгаа бүх цэргийн үүрэгтэн эрчүүд тэднийг фронт руу илгээнэ гэдэгт бэлэн байх ёстой гэж Украины Полтав мужийн цэргийн комиссарын газрын төлөөлөгч Роман Истомин мэдэгджээ. Түүний өгүүлснээр, эрчүүд эх орноо хамгаалах цаг ирнэ гэдгийг ойлгох ёстой гэнэ. 

"Украины бүх хүн амыг дуудна гэж хэлж болохгүй. Гэхдээ чухамхүү цэргийн үүрэгтнүүдийг фронт руу дуудах эсэх нь өөр асуудал. Эр хүн бүр гартаа зэвсэг бариад эх орноо хамгаалахаас аргагүй болно гэдгийг ойлгох ёстой" хэмээн Истомин мэдэгдсэнийг "Страна.ua" дамжуулжээ. 

Украинд, дайн эхэлсэн өдөр буюу 2022 оны хоёрдугаар сарын 24-ний өдөр бүх нийтийн дайчилгаа зарласан. Энэ дайчилгааг хэдэнтээ сунгаж, хамгийн сүүлд гэхэд энэ оны намрыг дуустал бүх нийтийн дайчилгааг сунгасан юм.

Г.Бямбасүрэн