Белград- 2023 ДАШТ-ий 68 кг-ийн жинд ОУХМ Энхсайханы Дэлгэрмаа зодоглож Серби ,Казахстан, Франц, АНУ бөхчүүдтэй барилдан ялалт байгуулж аваргын алтан медалийн төлөөх барилдаанд дэлхийн аваргын хошой хүрэл медальт Туркийн бөх Бусе Тосунд ялагдсанаар дэлхийн аваргын мөнгөн медальтан боллоо.

Мөн ДАШТ-ий эмэгтэйчүүдийн 72кг-ын жинд Үндэсний шигшээ багийн тамирчин, Азийн аварга шалгаруулах тэмцээний хүрэл медальт ОУХМ Энх-Амарын Даваанасан Полшийн Наталья Стрзалкаг 8:1 оноогоор, Болгар улсын тамирчин, 2019 оны Европын наадмын хүрэл медальт Софиа Георгиеваг 9:1 оноогоор, Казахстаны ДАШТ-ий хошой мөнгөн медальт, Азийн 3 удаагийн аварга Жамила Бакбергеноваг 6:2 оноогоор тус тус хожиж дэлхийн аварга шалгаруулах тэмцээний финалд шалгарсан. 

Харин өчигдөр Дэлхийн аварга болох эсэхээ шийдэх барилдаанд АНУ-ын залуу од өсвөр, залуучууд, U23, насанд хүрэгчид гэсэн дөрвөн насны ангиллын Дэлхийн аварга Амит Эйлортой барилдаж 8:2 оноогоор ялагдаж мөнгөн медаль хүртлээ.