Азийн гурван улсад зохион байгуулагдаж буй сагсан бөмбөгийн ДАШТ-ий шөвгийн наймын тоглолт өчигдөр болж өндөрлөлөө.

Одоогийн байдлаар "Парис-2024" олимпын наадмын сагсан бөмбөгийн тэмцээнд оролцох 12 багийн найм нь тодроод байгаа юм. Олимпод оролцох сагсан бөмбөгийн найман баг: 

1. Серби,
2. Герман (Европын шилдэг багууд)
3. Франц (зохион байгуулагч орон)
4.  АНУ,
5. Канад (Америк тивийн шилдэг багууд)
6. Өмнөд Судан (Африкийн шилдэг баг)
7. Япон (Азийн шилдэг баг)
8.  Австрали (Далайн орнуудын шилдэг баг) гэсэн багууд олимпийн эрх авсан.

Үлдсэн дөрвөн шигшээ багийг 2024 оны долдугаар сарын 2-7-нд болох олимпын эрхийн тэмцээнээс тодруулах юм.

Нэмж дурдахад, шилдэг найман багийн нэгээр сонгогдсон Японы шигшээ баг 48 жилийн дараа олимпод эрхээ авч орж байгаа онцгой түүхэн үйл явдал болсон билээ.