Боксын эрэгтэйчүүдийн насанд хүрэгчдийн Дэлхийн аварга шалгаруулах тэмцээн Узбекистан улсын Ташкент хотод үргэлжилж байна. Өнөөдөр манай улсын хоёр тамирчин ДАШТ-ий мөнгөн медалийн төлөө тулалдана. 

67кг-ын жинд Б.Мишээлт Узбекистан улсын Муйдинхажаев Асадхужатай 18:45 цагт тулаанаа хийнэ. 

63.5 кг-ын жинд  Б.Чинзориг Тажикистан улсын Усмонов Баходуртай 22:15 цагт тулалдана.

ОУХМ Б.Мишээлт медалийн төлөө Венесуэлийн тамирчныг ялж, ХҮРЭЛ медалийн болзлыг хангасан. Харин ОУХМ Б.Чинзориг хүрэл медалийн төлөө Кубын тамирчин, дэлхийн гурван удаагийн аварга Лазаро Алварезийг 4:1 харьцаатай буулган авснаар медалийн тавцанд зогсох эрхээ авсан юм. 

Боксын ДАШТ-ий шагналын сан 5.2 сая ам.доллар

Алтан медаль -200.000$

Мөнгөн медаль -100.000$

Хүрэл медаль -50.000$