Саяхан нэрээ сольсон “IHC Esports” багийн тамирчид ”The Mongolz” нэрээр Азийн аваргад өрсөлдөж, Парист болох Мэйжор тэмцээний эрхийг авлаа. Тэд дөнгөж сая Хятадын хүчирхэг “Rare Atom” багийг буулган авав. 

Тэд финалд БНХАУ-ын Rare atom багтай тулж, 16:11, 16:11 гэсэн тооны харьцаагаар буюу хоёр тоглолтонд тэмцээний үр дүнг шийдэж чадлаа. Тэд энэхүү амжилтаа үзүүлэхдээ Хятад улсын, дэлхийн шилдэг багийг ур чадвар, тактикийн тоглолтоор илт илүүрхэж чадлаа.

Парист болох тэмцээн нь ирэх сарын 08-21-ний өдрүүдэд болох бөгөөд нийт 1 сая 250 мянган долларын шагналын сантай, нэр хүндтэй тэмцээн юм.

CS:GO тоглоомын Парисын мажор тэмцээнд оролцох эрхийн төлөөх Азийн аварга шалгаруулах тэмцээн анх удаа Монгол улсад болсноороо нэг онцлог байлаа. Тус тэмцээн Мөсөн өргөөд болж өндөрлөв. Энэ тэмцээнд Ази-Далайн бүсийн 12 орны топ 8 багийн 40 тамирчин оролцсон юм.