2023 оны Уран гулгалтын ДАШТ-ийг Монголд анх удаа албан ёсны эрхтэйгээр, тайлбарлагч А.Дэлгэрмаагийн тайлбартайгаар шууд дамжуулан хүргэж байгаа билээ. Урлаг спортын зааг дээр оршдог уран гулгалт нь Өвлийн спортын төрлүүд дундаасаа хамгийн сонирхолтой, хамгийн өрсөлдөөнтэй болдог ба зөвхөн энэ спортоор хичээллэдэг, сонирхдог хүмүүс төдийгүй нийт үзэгчдийн сонирхлыг зүй ёсоор татаж чаддаг. 

Энэ удаагийн уран гулгалтын ДАШТ 2023 оны гуравдугаар сарын 20-26 өдрүүдэд Япон улсын Сайтама хотод үргэлжилж байна. 

Эмэгтэйтэйчүүдийн ганцаарчилсан богино үзүүлбэрийн эхний гурван байрт:  Өнгөрсөн жилийн аварга, Бээжингийн олимпын хүрэл медальт Японы тамирчин Kaori Sakamoto нэгдүгээр байр, Солонгосын тамирчин Haein Lee удаах байр,  Японы тамирчин Mai Mihara гуравдугаар байрыг тус тус хүртсэн байна. 

Дэлхийн аварга болсон Kaori Sakamoto алтан медаль хүртсэнийхээ дараа “Дэлхийн аваргын өмнө хийсэн бэлтгэл маань миний хувьд амьдралдаа хийж байсан хамгийн хүнд бэлтгэл байсан. Дэлхийн аваргад оролцсон ихэнх тамирчид олимпод оролцсон учир өрсөлдөөн ширүүн байлаа. Ядралт ихтэй байлаа гэж шалтаг тоочих эрхгүй байсан. Дасгалжуулагчидтайгаа хийсэн шаргуу бэлтгэл минь намайг дахин дэлхийн аваргад хүрэхэд том түлхэц боллоо” гэжээ.