Монголын “Сансар ММС Energy” багийн ахлагч А.Анандыг FIBA албан ёсны сайтад онцолжээ. Тэрбээр 2023 оны хоёрдугаар сарын 14-ний өдөр Олон Улсын Сагсан Бөмбөгийн Холбооны хөгжөөн дэмжигчдийн санал хураалтаар сонгогддог 3х3 сагсан бөмбөгийн 2022 оны Шилдэг тамирчнаар “Сансар ММС Energy” багийн ахлагч А.Анандыг зарласан байна. 

Түүнийг огцом шидэлтээр оновчтой гоол хийх чадварыг хөгжөөн дэмжигчид нь өндрөөр үнэлсэн тул Дэлхийн 2022 оны Шилдэг тамирчнаар шалгарчээ. 

FIBA-гийн албан ёсны сайтад “Ананд 3х3 сагсан бөмбөгийн 2022 оны ДАШТ, Азийн аваргын тэмцээнд  амжилттай оролцож Ази тивийн шилдэг тоглогчдын нэг гэдгээ баталсан билээ. Тэрбээр “Manila Masters 2022” тэмцээний үеэр дөрвөн удаагийн тоглолтоор 30 оноо авч өрсөлдөгч нараа буулган авсан амжилтаараа цойлсон. 1.96 метр өндөр энэ тамирчин үсрэлтэн дундаа агаарт эргэлдэж оновчтой гоол хийх онцгой чадвараараа алдаршин хөгжөөн дэмжигчдийнхээ дунд “Янки Ариунболд” гэдэг нэртэй болоод байгаа аж. 

Дашрамд дурдахад, 3х3 Олон улсын сагсан бөмбөгийн холбооноос 2019 оны “Шилдэг шинэ залуу” тоглогчдыг зарласан бөгөөд тус жагсаалтад манай улсын “Улаанбаатар ММС энержи” багийн тоглогч А.Ананд багтсан байдаг юм. Мөн түүнийг Дэлхийн цомын тэмцээнээр төдийлөн амжилт үзүүлж чадаагүй ч Монголын сор болсон энэ тамирчин биднийг гайхшруулж чадсан хэмээн онцолж байсан юм.