Катарт болсон хөл бөмбөгийн дэлхийн аварга шалгаруулах тэмцээн болсон газруудаас нийтдээ 80,000 орчим тонн хог хаягдал цуглуулжээ. 

Катар-2022 хөл бөмбөгийн ДАШТ-ий цэнгэлдэх хүрээлэн болон бусад арга хэмжээ зохион байгуулагдсан газруудаас гарсан хог хаягдлын 72 хүртэлх хувийг дахин боловсруулах зорилгоор ялган авчээ. Энэ нь хүрээлэн буй орчинд ээлтэй, нүүрсхүчлийн хий бага ялгаруулах ДАШТ хийх зорилгын нэг хэсэг байсан юм. 

"Мега спортын арга хэмжээ зохион байгуулагдах газруудаас 80,000 орчим тонн хог хаягдал цуглуулсан" гэж Хотын захиргааны сайд Абдулла бин, Абдулазиз Аль, Субаи Аль Раян цэцэрлэгт хүрээлэнд зохион байгуулсан арга хэмжээний үеэр хэлсэн юм. 

Органик, хуванцар, металл, электрон, картон хог хаягдлыг тэмцээний үеэр цуглуулсан хог хаягдлаас салгасан байна. Үлдсэн хогийг НЗДТГ-ын Ахуйн хатуу хог хаягдлын менежментийн төвд хүргэж, хог хаягдлаас эрчим хүч үйлдвэрлэх байгууламжид нэмж боловсруулах аж.