"КАТАР-2022" хөл бөмбөгийн ДАШТ Аргентины ялалтаар сүр дуулиантайгаар өндөрлөсөн билээ. ФИФА-гийн гишүүн холбоодын шигшээ багуудын дөрвөн жилд нэг удаа зохиогддог 23 дахь удаагийн хөл бөмбөгийн ДАШТ ирэх 2026 онд болох юм. Дөрвөн жилийн дараа болох ДАШТ урьд өмнө нь байгаагүй олон өөрчлөлттэй болохоор төлөвлөгдөж байна. Ийнхүү та бүхэн 2026 оны ДАШТ тухай мэдэхэд илүүдэхгүй таван баримтыг хүргэж байна. 

1. 2026 оны ДАШТ-ийг түүхэндээ анх удаа Канад, Мексик, АНУ гэсэн гурван улсын 16 хот хамтран зохион байгуулахаар болжээ. Мексик улсын хувьд ДАШТ-ийг гурван удаа зохион байгуулсан гэдэг утгаараа рекорд тогтоогоод байгаа билээ. 

2. ДАШТ Мексикийн гурван хот, Канадын хоёр хот, АНУ 11 хотод тоглолт зохион байгуулахаар төлөвлөжээ. 

3. Олон улсын хөлбөмбөгийн холбооны тэргүүн  Жанни Инфантино хэлэхдээ, тэмцээний шигшээд Катарынх шиг 32 баг биш 48 баг тоглохоор болж байна. Ингэснээр нийтдээ 80 тоглолт болох ба энэ нь Катарт болсон тоглолтоос 16 тоглолтоор илүү байх юм. 

4. Тус тэмцээнд Хойд Америк тивийн Азтека, MetLife цэнгэлдэх хүрээлэн, AT&T цэнгэлдэх хүрээлэн, Мерседес-Бенз цэнгэлдэх хүрээлэн, Левигийн цэнгэлдэх хүрээлэнд байрладаг нэр хүндтэй, сүрлэг цэнгэлдэх хүрээлэнгүүдэд болох аж. 

5. Хамгийн сүүлд нь ДАШТ-ий финалын шатанд долоон баг шалгарч үлдэхээр болсон нь түүхэн дэх хамгийн их баг үлдэх финалын шат юм. Үүнд хэсгийн хоёр тоглолт, хасагдах шатны  таван тоглолт явах юм.