Хөлбөмбөгийн ДАШТ "Катар-2022" түүх болон үлдэхэд ердөө дөрөвхөн тоглолт үлдлээ. Энэ сарын 18-нд Шинэ дэлхийн аваргын нэр тодорно. Сүүлийн шатны эхний тоглолт 12 дугаар сарын 14-нд Аргентин болон Хорватын тоглолтоор эхлэх юм. Харин дараагийн тоглолт 12 дугаар сарын 15-нд Франц, Марокко багуудын хооронд болно. 

1. Марокко

"Катар 2022" ДАШТ-ий шөвгийн наймын гурав дахь тоглолт Африкаас үлдсэн ганц баг Марокко болон Португалын шигшээ багийн хооронд болоход 1-0 харьцаагаар Марокко хожиж хагас шигшээд шалгарсан анхны Африк баг болсон билээ. 

2. Аргентин

Харин шөвгийн наймын хоёр дахь тоглолт гурван мөнгөн медальтай Нидерланд болон дэлхийн хоёр удаагийн аварга Аргентины хооронд болоход Аргентин пеналтаар хожсон. 

Таван хамгаалагчийг гаргасан Аргентин Нидерландад бөмбөгийг нь өгч тоглуулж үзэв. Гэхдээ өөрсдөө бөмбөг авсан үедээ чанартай довтолгоо зохиож байсны нэг нь үр дүнгээ өгч Линоел Мессигийн дөрвөн тоглогчийн дундуур өгсөн дамжуулалтыг Науэл Молина 35 дахь минутад гоол болгов.

Мессиг зогсоох Нидерландын хамгаалагчдад хэцүү байсан ч мөн зүүн жигүүрт Маркус Акунягийн тоглолт сайн болсон. Түүний туршлагатай шийдвэр торгуулийн цохилт авч Месси 73 дахь минутад алдалгүй хийсэн. 

3. Франц 

ДАШТ-ий шөвгийн наймын сүүлийн тоглолт 1966 оны дэлхийн аварга Англи болон дэлхийн хоёр удаагийн аварга Францын хооронд болоход 2-1 харьцаагаар Франц хожсон билээ. Хоёр багийн Тоглолт 2-1 харьцаагаар дуусаж Франц хагас шигшээд шалгарч Англи гэртээ харилаа.

4. Хорват 

ДАШТ-ий шөвгийн наймын эхний тоглолт 2018 оны мөнгөн медаль Хорват болон дэлхийн таван удаагийн аварга Бразилын хооронд болоход Хорват пеналтаар хожсон юм. 

Хэсгийн шат болон хасагдах шатны өрсөлдөгчөө шуургалан довтолж тоглогчдынхоо ур чадвараар гайхуулж байсан Бразил Хорватын хана хэрэм мэт хамгаалалтыг сэтэлж чадалгүй нэг үе ч биш үндсэн цаг өндөрлөсөн билээ. 

Хорватчууд даруй довтолгооны сэлгээ оруулж Мислав Оршич эхний хүрэлтээр дамжуулж Бруно Петкович тооны харьцааг тэнцүүлсэн.

Ийнхүү хоёр баг пеналт цохихоор болов. Хорватын хаалгач Доминик Ливакович өмнөх тоглолтын ижил сайн тоглож эхний цохилтыг хаасан нь Бразилд хүнд туссан. Улмаар Хорват 4-2 харьцаагаар хүчирхэг Бразилыг хожиж хагас шигшээд шалгарч үлдсэн юм. 

Харин Неймар, Алиссон, Ричарлисон, Касемиру, Тиагу Силва тэргүүтэй дэлхийн таван удаагийн аварга Браил тэмцээнээ дуусгасан билээ.