БОАЖ-ын сайд Б.Бат-Эрдэнэ шийдвэр гаргаж, Туул голын сав газрын захиргааны даргыг үүрэгт ажлаас нь чөлөөллөө. Түүний үүрэгт ажилдаа хариуцлагагүй хандсан, албан үүргээ гүйцэтгээгүй, зохих ажлын байрны чиг үүргийг хэрэгжүүлээгүй шалтгаанаар ажлаас  нь чөлөөлсөн байна. 

БОАЖ-ын удирдлагуудын ахалсан ажлын хэсэг 17 аймаг, Чөлөөт бүс, Дархан цаазат газар, Байгалийн цогцолборт газар, Усны хамгаалалтын бүсэд ажиллаад байна. Ажлын хэсгүүд нөхцөл байдалтай газар дээр нь танилцаж, зохих үүргээ гүйцэтгээгүй албан тушаалтнуудын жагсаалтыг гарган, эхнээс нь ажлаас нь чөлөөлж байна. 

Цаашдаа байгаль орчны нөлөөллийн үнэлгээг буруу хийсэн, зориудаар өөрчилж нөлөөлөлд автсан байж болзошгүй албан тушаалтнуудыг түдгэлзүүлж, хууль хяналтын байгууллагад шилжүүлэх аж.