Олон нийтийн цахим сүлжээнд бусдын толгой дээр халуун кофе асгаж буй бичлэг цацагдав. Ингэхдээ бусдыг хэрцгийгээр гэмтээж буй этгээд нь эмэгтэй хүн байв. Аймшигтай. 

Хохирогч охины аавын мэдээлж буйгаар  хэрэг гуравдугаар сарын 01-нд 15.00 цагийн орчимд болсон үйл явдал гэнэ. Хохирогч охин хоёр найзын хамт кофе шопод сууж байх үед танихгүй бүсгүй хүрч ирснээ "яагаад намайг хараад байгаа юм" гэж асуугаад өшиглөсөн аж. Хохирогч бүсгүй хариуд нь "би чамайг танихгүй, өмд заваан болгочихлоо. Гөвж өг" гэсэн байна. Үүний хариуд барьж байсан халуун  кофегоо толгой дээр нь асгаж, Би прокурор хүний хүүхэд, намайг яаж ч чадахгүй, тосны мөнгийг чинь өгнө" гэж хэлсэн аж. 

Тэгвэл бусдын толгой дээр халуун кофе асгасан охин "Ер нь энэ сенсацилаад байх юм биш. Аав, ээж нар жаахан байхдаа аймар, аймар зодоон хийдэг байсан. Гол нь тэр үед интернет байгаагүй. Гэхдээ кофе асгасан нь буруу л даа. Хөрчихсөн кофе байсан" гэж тайлбар хийв.

Цахим сүлжээнд  түүнийг МУИС-ийн хуулийн ангийн төгсөх курсийн оюутан бөгөөд аав нь хуульч гэсэн мэдээлэл цацагдаад байгаа юм аа. Мөн МУИС-ийн оюутнууд түүнийг сургуулиасаа хасуулахаар гарын үсэг цуглуулж эхэлсэн байна. 

М.Насан