Монгол Улсын эдийн засгийн хамгийн том тулгуурын нэг бол Эрдэнэт үйлдвэр. Тус үйлдвэр нь жилдээ 400 сая ам.долларын бараа бүтээгдэхүүн гадаад зах зээлээс худалдаж авдаг тухай тоо баримт бий. 

2023 онд л гэхэд 1000 худалдан авалт хийх жагсаалтыг баталсан. Үүнээс гадна ажилчдын нийгмийн асуудлыг шийдвэрлэхэд ч багагүй хөрөнгө зарцуулдаг. Харин сүүлийн үед тус үйлдвэр Шилэн дансандаа "Батлагдсан төсвийн дагуу томилолтын зардал" нэрээр багагүй хэмжээний гүйлгээг хийх болсон. Зөвхөн энэ сард гэхэд 14 төрлийн гүйлгээг дээрх утгатайгаар хийсэн байна. Гэхдээ хэн гэдэг ажилтан хаашаа ямар зорилгоор, ямар томилолтод явсан нь тодорхой бус байгаа юм. Ямартай ч бүртгэлийн дугаараар 14 хүн рүү шилжүүлэг хийсэн байна. 

Ийнхүү тус үйлдвэр Шилэн дансны мэдээллээ тодорхой бус мэдээлснээс үүдэн иргэд хяналт тавих эрхээ эдэлж чадахгүйд хүрч байна. Хуулийн дагуу Шилэн дансны хууль улс, орон нутгийн төсөв, улсын болон орон нутгийн өмчийн хөрөнгийг үр ашигтай захиран зарцуулах зорилгоор төсвийн удирдлагыг хэрэгжүүлэх шийдвэр, үйл ажиллагаа ил тод, нээлттэй, ойлгомжтой байх, түүнд олон нийт хяналт тавих мэдээллийн тогтолцог  бүрдүүлэх зорилгоор хэрэгждэг. Гэвч тус үйлдвэрийн мэдээлэл ил тод бус ойлгомжгүй бүрдэл дутуу байгааг энд дарж үзэж боломжтой юм.