ЗДТГ-ын Цэргийн штабаас 2023 оны цэргийн бүртгэлийн талаар мэдээлэл өглөө. 

НЗДТГ-ын Цэргийн штабын дарга Г.Ялалт

Цэргийн бүртгэл нийслэлийн хэмжээнд нэгдүгээр сарын 4-20-ныг дуустал болно. Орон нутгийн засаг захиргааны нэгж буюу дүүрэг, хороонд давхар бүртгэл хийнэ.

18 насанд хүрсэн иргэд хороондоо очиж дэвтэр нээлгэж, И-Монголиагаар бүртгүүлж эхлэх юм. Мөн шилжилт, хөдөлгөөн хийсэн иргэд хороондоо очиж бүртгэл хийлгэнэ. Харин цэргийн үүрэгтний үнэмлэхээ хаяж гээгдүүлсэн тохиолдолд хороо, дүүрэгт шинээр дэвтэр нээлгэж, цэргийн бүртгэлд хамрагдана.

Цэрэг татлагын зарлан дуудах хуудас аваад ирээгүй, цэргийн бүртгэлд хамрагдаагүй иргэдийг торгож, хариуцлага тооцоогүй. Энэ жилээс хариуцлага тооцож эхэлнэ" хэмээв. 

"E-Mongolia" академийн төслийн менежер Б.Батзул:

"E-Mongolia" академи цэргийн бүртгэлийг хоёр дахь удаагаа зохион байгуулж байна. Гар утасны аппликэйшн, вер портал сайт, төрийн үйлчилгээний портал сайтаар цэргийн бүртгэлийг хийлгэж болно.

Улаанбаатарт үйлчилгээний зургаан нэгдсэн төв, орон нутагт 21 аймаг, 330 суманд байрлах төрийн үйлчилгээний оператор ажилтнаар дамжуулж хүсэлт гаргах боломжтой" гэв.