Өнгөрсөн долоо хоногийн ням гарагаас эхлэн Сүхбаатарын талбайд нүүрсний хулгайчдын нэрсийг ил болгож, хариуцлага тооцохыг шаардсан жагсаал болж байна. 

Тэгвэл өнөөдөр жагсагчидтай ЗГХЭГ-ын дарга Д.Амарбаясгалан, ХЗДХ-ын сайд Х.Нямбаатар нар уулзахаар болсон байна. Тэд "нүүрсний хулгай"-н гэх Эрүүгийн хэргийн Мөрдөн шалгах ажиллагааны явцын талаарх мэдээллийг жагсагчдад өгөхөөр болсон гэх мэдээллийг Х.Нямбаатар сайд өглөө.

Мөн өнөөдрийн Засгийн газрын хуралдааны үеэр Ерөнхий сайд АТГ, ЦЕГ-ын Мөрдөн шалгах ажиллагаа явуулж байгаа ажлын хэсгийн бүрэлдэхүүнийг өргөтгөх чиглэлийг өгсөн байна. Иймээс хөдөө орон нутгуудад ажиллаж байгаа Эрүүгийн цагдаагийн алба хаагчдыг Мөрдөн шалгах ажиллагаанд татан оролцуулахаар болжээ. 

П.ГОО