2022 оны 11 дүгээр сарын 7-14-ны хооронд Улаанбаатар хотноо 2025 оны Азийн аваргын урьдчилсан шатны “D” хэсгийн тоглолтууд явагдаж, өндөрлөлөө.

Хэсгийн сүүлийн тоглолт Монгол болон Тайланд улсын багуудын хооронд болж, 109-105 харьцаатай Тайландын баг хожил авсан юм. 

Ийнхүү Тайландын баг хэсгээ тэргүүлж дараагийн шатанд шалгарсан бол Монгол хэсгийн хоёрдугаар байр, Малайз гуравдугаар байраар дараагийн шатанд шалгарлаа.

2025 оны Азийн АШТ-д тивийн шилдэг 16 баг шалгарсан байна. Үүнд Иран, Иордан, Ливан, Казахстан, Саудын Араб, Энэтхэг, Сири, Бахрейн, Австрали, Шинэ Зеланд, Хятад, Өмнөд Солонгос, Филиппин, Япон, Тайвань, Индонез зэрэг багууд шалгараад байгаа билээ. 

Тэдэнтэй өрсөлдөх багуудын тулаан 2023 оны хоёрдугаар сарын 1-нээс эхэлнэ. Урьдчилсан шатнаас шалгарсан найман баг Өрнө, Дорно хэсэгт хуваагдан өрсөлдөж, хэсэг бүрээс эхний дөрвөн баг үндсэн тэмцээнд шалгарч, дээрх 16 багтай тоглох юм.