ОХУ-тай холбоотой хөрөнгийг хурааж, худалдан, Киевт нэмэлт тусламж үзүүлэх хуулийг АНУ-ын Конгрессын төлөөлөгчдийн танхим лхагва гарагт дэмжжээ.

Энэ хуулийн төслийг конгрессын 417 гишүүн дэмжиж, найм нь татгалзсан байна. Хуулийн төсөлд, ОХУ-ын эрх баригчидтай холбоотой байж болзошгүй "авлигын замаар олж авсан гадаадын иргэдийн хөрөнгийг битүүмжлэх, хураах" эрхийг АНУ-ын Ерөнхийлөгчид өгөхөөр тусгажээ.

Хууль батлагдсанаар хоёр сая доллараас дээш хөрөнгө, тэр дундаа Оросын эрчим хүчний компаниудын өмчийг хураах, худалдах ажлыг гүйцэтгэх аж. Хураасан хөрөнгийг зарж борлуулснаас олсон орлогийг Украиныг сэргээн босгох, цэргийн болон хүмүүнлэгийнх тусламж үзүүлэх, бусад орнуудад Украины дүрвэгсэд байрлахад туслахад зарцуулах юм байна.

Г.Бямбасүрэн