Оросын нэртэй одон орны зурхайч Тиана Атлас 5-tv.ru-д ирэх онд ордуудыг юу хүлээж байгаа талаар өгүүлснийг орчуулан хүргэж байна. 

 

ХОНИНЫ ОРД

 

 

 

Хувийн амьдрал 

2022 оны тавдугаар сард хонины ордныхонд аз амжилт тохионо. Энэ үеэр тэдэнд шинэ үйл эхлэх хүч чадал ирнэ гэж од эрхэс зөгнөжээ. 

“Хонины ордны олон хүн амжилттайгаар бизнес эхлүүлж чадна. Зарим нь гэрлэнэ. Харин нөгөө хэсгийг нь спортын амжилт хүлээж байна гэж” Оросын одон орны зурхайч Тиана Атлас өгүүлжээ.

Хэдийгээр санхүүгийн нөхцөл байдал сайжрах хэдий ч үл хөдлөх хөрөнгө худалдан авах хэрэггүй гэж зөвлөж байна. Үл хөдлөх хөрөнгөтэй холбоотой шийдвэрээ дараа жил хүртэл хойшлуулахыг зурхайч зөвлөжээ. 

Эрүүл мэнд

 

2022 онд эрүүл мэнддээ сайтар анхаарахыг зөвлөжээ. 

“Жилийн эхний хагаст амьдралын эрүүл хэв маяг баримталж, мөрдүүлж эхлэхэд нэн тохиромжтой. Хорт зуршлаас салж, илүүдэл жингээ хаяж болох юм” хэмээн зурхайч өгүүлжээ. 

Зурхайд өгүүлснээр, Бар жилд хонины ордныхон эртнээс хүсэж байсан шигээ эрүүл мэнд, бие галбиртаа анхаарах боломж олдох гэнэ. 

Мөнгө, санхүү 

 

Зурхайд өгүүлснээр, 2022 он хонины ордныхонд олон таатай гэнэтийн бэлэг барих гэнэ. Чухамхүү ирэх бар жилд санхүүгийн тал дээр томоохон эргэлт гарч магадгүй аж. 

“Тэд албан тушаал ахих эсвэл нэмэлт орлоготой болсноор орлогоо нэмэгдүүлэх боломжтой болох юм” хэмээн зурхайч Тиана Атлас өгүүлжээ. 

Гэхдээ хонины ордныхон зорилгодоо хүрэхийн тулд идэвхтэй ажиллах ёстой гэнэ. Зурхайд өгүүлснээр, амжилт энэ ордныхонд зүгээр ч нэг гарт нь ороод ирэхгүй, үүний тулд тэмцэх ёстой аж. 

ҮХРИЙН ОРД

 

 
 

Санхүү 
 

Ирэх онд шинэ дадал, чадвараа хөгжүүлэх шаардлагатай. Энэ ордныхон нөөц боломжоо зөв хуваарилаж сурах шаардлагатай болох гэнэ. 

“Үхрийн ордныхон өмч хөрөнгөөсөө салах дургүй хүмүүс. Гэхдээ хөрөнгөө арвижуулахын тулд одоо л үнэт зүйлсийнхээ талаар эргэн нэг харах хэрэгтэй” хэмээн Тиана Атлас өгүүлжээ. 

Бар жилд үхрийн ордныхон мөнгөө ухаалгаар зарцуулвал гагцхүү ашиг хонжоо олох гэнэ. Мөн шинэ мөнгөн урсгал орж ирнэ гэж зурхайч зөгнөжээ. 

Ажил хэрэг

 

Од эрхэсийн зөгнөлөөр, 2022 онд үхрийн ордныхонд хүнд хэцуү цаг үед түшиг тулгуур болох хүмүүс гарч ирэх гэнэ. 

“Ирэх жил бүхэлдээ найз нөхдөөсөө дэмжлэг авна, олон улсын байгууллагад багтан ажиллах, эсвэл хилийн чанадад амжилт хүлээж байна” хэмээн Тиана Атлас өгүүлжээ. 

Зурхайчийн өгүүлснээр, ирэх онд үхрийн ордныхон удаан хугацаанд хойш тавьж байсан ажлаа эхлүүлэх боломж гарч ирэх гэнэ. Гадаад хэл сурах зэрэг өмнө нь хойшлуулж байсан ажлаа чухамхүү энэ онд хэрэгжүүлвэл үр дүнтэй гэж зурхайч зөвлөжээ. 

Хувийн амьдрал 

Сүүлийн жилүүдэд үхрийн ордныхны хувийн амьдрал тийм ч таатай байсангүй. Гэхдээ ирэх жилд хайр дурлалын тал дээр од эрхэс ивээнэ гэж зурхай өгүүлжээ. 

“Үхрийн ордны зарим хүмүүс хайртай хүнээсээ салж, хагацсан. Харин ирэх бар жилд хань ижлээ олох боломж дүүрэн байна” хэмээн зурхай Тиана Атлас өгүүлжээ. 

Зурхайчийн зөвлөснөөр, нээлттэй байдал нь хувийн амьдралаа сйжруулахад ихээхэн туслах гэнэ. Тиймээс хүмүүсээр хүрээлүүлж, өөрөөрөө байхаас бүү ай!

ИХРИЙН ОРД 

 

 

Амьдрал 
 

2022 он ихрийн ордныхны хувьд өөртөө дүгнэлт хийх цаг үе. Энэ ордны хүмүүс дотоод дуу хоолойгоо сонсох хэрэгтэй гэж зурхай зөвлөжээ. 

“Та энэ жил дотогшоогоо төвлөрч, та чухамдаа юу хүсэж байгаа гэдгээ ойлгохыг хичээнэ” хэмээн Тиана Атлас өгүүлжээ. 

Зурхайд өгүүлснээр, ихрийн ордныхны амьдралд саяхан шилжилтийн үе тохиожээ. Энэ нь ажлаа сольсон, хосоо сольсонтой холбоотой байж болох бөгөөд энэ нь ихрийн ордныхны мөн чанарыг өөрчлөх гэнэ. Гэхдээ сайн тал руу юу эсвэл муу тал руу өөрчлөгдөх үү гэдгээ хүн өөрөө л сонгоно. 

 

Мөнгө, санхүү 

 

Зурхайд өгүүлснээр бар жилд ихрийн ордныхон санхүүгийн нөхцөл байдлаа сайжруулах боломж дүүрэн байна.

“Санхүүгээ сайжруулах боломж байна. Гэхдээ өөрийн мөнгийг биш. Өв хөрөнгө өвлөх, улсаас тэтгэмж авах, зээлийн дахин санхүүжилт зэрэг өөр эх үүсвэрээс мөнгөө өсгөх боломжтой болно” хэмээн зурхай Тиана Атлас өгүүлжээ. 

Түүнчлэн ирэх онд томоохон хожил хүлээж байна гэж зурхайд өгүүлсэн байна. 

 

Ихрийн ордныхонд өгөх зөвлөгөө 

 

Ихрийн ордныхон бол бусад ордныхноос хамгийн боловсролтой нэгэн. Тэд мэдрэмжиндээ хөтлөгдөх биш оюун ухаандаа найддаг хүмүүс. Гэхдээ ирэх онд арай өөр арга барилаар хөдлөхөд гэмгүй. 

“Танд хамгийн нандин хүслээ биелүүлэх боломж гарч ирнэ. Гэхдээ төлөвлөгөөгөө бусдад урьдчилан ярих хэрэггүй” хэмээн зурхайч өгүүлжээ. 

Аз жаргалынхаа талаар ярихгүй байхыг од эрхэс зөвлөж байна. Хэт чалчаа ихрийн ордныхон амжилтыг үргээж мэднэ гэж анхааруулжээ. 

 

МЭЛХИЙН ОРД 

 

 

Амьдрал 

 

Ирэх бар жил мэлхийн ордныхонд ивээлээ хүртээнэ. Гэхдээ тэд зүгээр суугаад ивээл хүртэх гэж горьдолгүй өөрөө зүтгэх ёстойг од эрхэс анхааруулжээ.

 
“Хана хэрэмнийхээ цаанаас гарч, нийгэмтэй харилцах шаардлагатай болно” хэмээн зурхайч өгүүлжээ. 

2022 онд залуу мэлхийн ордныхон хайр дурлалын харилцаагаа гэрлэлтээр баталгаажуулах бол зарим нь намар бүл нэмэж магадгүй гэнэ. 

Ажил хэрэг

 

Хуулийн асуудлаа бүгдийг нь 2022 оны эхний хагаст шийдвэрлэх нь зүйтэй гэж од эрхэс зөвлөжээ. Мөн энэ үеэр аялалд гарахад сайн. Учир нь ирэх оны хоёрдугаар хагасаас эхлээд нөр их хөдөлмөр тэднийг хүлээж байна. 

“2022 оны тавдугаар сараас эхлээд мэлхийн ордны олон хүн албан тушаал дэвших боломжтой” хэмээн зурхай Тиана Атлас өгүүлжээ. 

Ирэх бар жилд ажил, ар гэрийнхээ асуудлыг тэнцүүлэн явахыг мэлхийн ордныхонд сануулсан байна. 

 

АРСЛАНГИЙН ОРД  

 

 

Ажил хэрэг 

 

Арслангийн ордныхон ирэх бар жилээс гагцхүү хамгийн сайныг нь шилж авна. Энэ ордныхон идэвхтэй, нөр их хөдөлмөр гаргаснаар илэрхий амжилтад хүрнэ гэж зурхайд өгүүлжээ. 

“Та бүхнийг ажил хэргийн тал дээр асар их амжилт хүлээж байна” хэмээн зурхайч Тиана Атлас өгүүлсэн байна. 

Зурхайд өгүүлснээр, арслангийн ордныхон эрсдэлийг үл харгалзан хичээнгүйлэн ажиллах ёстой гэнэ. Ингэсэн цагт л амжилтад хүрэх аж. Нэн ялангуяа оны эхний хагаст хичээн ажиллахыг зөвлөжээ. 

Эрүүл мэнд 

 

Ирэх онд арслангийн ордныхон эрч хүчээр дүүрэн байна. Тиймдээ ч энэ нь эхлүүлсэн ажлыг амжилттай дуусгах, сэтгэл санаагаа өөдрөг байлгахад туслах аж. 

“Ирэх оны хоёрдугаар сараас эхлээд л та маш их эрч хүч урсан орж ирж байгааг мэдэрнэ” хэмээн зурхайч өгүүлжээ. 

Од эрхэсийн зөгнөснөөр, 2022 онд арслангийн ордныхон жилийн бэлгэдлээс ирэх эрч хүчээр тэжээгдэх аж. 

 

Хувийн амьдрал 
 

Арслангийн ордныхны хувьд ирэх жил шинэ танилаар дүүрэн байна. Хувь тавиланг өөрчлөх хүнтэй ч учирж мэднэ. 

“Оны хоёрдугаар хагаст нөлөө бүхий хүнтэй уулзаж мэднэ, энэ хүн таныг ажил албан тушаалдаа урагшлахад тус болно” хэмээн зурхайч Тиана Атлас өгүүлжээ. 

Түүнчлэн ирэх онд арслангийн ордныхон өөрийн гэсэн зан төрхтэй , өөрийгөө хүндэлдэг хүнтэй таарч магадгүй гэнэ. Түүнтэй танилцсанаар харилцаа холбоо гүнзгийрэх эсэхийг цаг хугацаа л харуулна. 

ОХИНЫ ОРД

 

 

Ажил хэрэг 
 

Карьераа шинээр эхлүүлэхэд одоо л тохиромжтой дцаг. 2022 он охины ордныхны хувьд хөгжих шинэ замыг нээж байна. Энэ ордныхон 2022 онд чухал сонголт хийх хэрэгтэй болно. 

“Таны амьдралд хилийн чанадаас ирсэн олон сонирхолтой хүмүүс гарч ирнэ” хэмээн Тиана Атлас өгүүлжээ. 

Зурхайд өгүүлснээр, 2022 онд охины ордныхон өөр хот руу эсвэл бүр өөр улс орон руу шилжих эсэх талаар шийдвэрлэх шаардлагатай болох гэнэ. Зөв шийд гаргаж чадвал хүрээллээ тэлж, сэтгэл санаагаа ч өөдрөг болгоно. 

 

Хувийн амьдрал 

 

Зурхайд өгүүлснээр 2022 он охины ордныхны хувьд шинэ харилцаа эхлүүлэхэд тохиромжтой цаг. Тэр дундаа зуны улирал нэн тааламжтай. 

“Энэ онд романтик харилцаа үүснэ. Охины ордныхны ихэнх нь хүүхэдтэй болно” гэж Тиана Атлас өгүүлжэ. 

Зурхайд өгүүлснээр, 2022 онд охины ордныхон өөрсдөө эцэг, эх болохгүй ч хамаатан садан, төрөл төрөгсдөөс нь хэн нэгэн нь бүл нэмнэ. 

 

ЖИНЛҮҮР 

 

 

Мөнгө, санхүү 

 

Жинлүүрийн ордныхны хувьд ирэх жил сэтгэл догдлуулсан он болно. Ирэх онд аливаа өөрчлөлтөд тууштай хандах хэрэгтэй. Нэн ялангуяа санхүүгийн байдалд өөрчлөлт гарч магадгүй. 

“Орлого, зарлагын харьцаагаа дахин сайтар харах нь чухал” хэмээн зурхайч өгүүлсэн байна. 

Жинлүүрүүд зардлаа тооцож, илүүдэл зардлаа бууруулах хэрэгтэй. Хэмнэлт хийж, мөнгөө ухаалгаар зарцуулснаар ирэх онд үл хөдлөх хөрөнгө авах эсвэл гэр бүлдээ туслах боломж гарна. 

Ажил хэрэг 

 

Ирэх бар жилд удирдах ажил хийдэг жинлүүрийн ордныхон сайн ажилтан эсвэл туслах олж авна. Түүнчлэн 2022 онд ирээдүйтэй ажил хэргийн холбоо тогтоох хүмүүстэй танилцахыг од эрхэс зөгнөжээ. 

 

Хувийн амьдрал 
 

Ирэх онд жинлүүрийн ордныхон гэр орны ажилд туслах хүн шаардлагатай байгаа бол түүнийгээ олно. Хувийн амьдралын тал дээр хувь тавиланг тань өөрчлөх хүнтэй танилцаж болно. 

“Оны хоёрдугаар хагаст жинлүүрийн ордны ихэнх хүмүүс хань ижлээ олох магадлалтай” гэж Тиана Атлас өгүүлжээ. 

Мөн ирэх бар жил эрүүл мэнддээ анхаарч, байнга ханддаг найдвартай эмчтэй болоход тохиромжтой үе. 

 

ХИЛЭНЦИЙН ОРД

 

 

Ажил хэрэг
 

Ирэх он тун идэвхтэй жил болно. Зурхайд өгүүлснээр хилэнцийн ордныхон бар жилд зүгээр суух цаг зав олдохгүй.

“Бүтээлч төсөл эсвэл шинэ ажил хэрэг эхлүүлэх талаар бодолцоорой” гэж зурхайч зөвлөсөн байна. 

Од эрхэсийн зөвлөж байгаагаар хоёрдугаар сард ажил хэрэг эхлүүлвэл таатай байх гэнэ. Хилэнцийн ордныхон ажил хэрэг эхлүүлэхээ хойшлуулж болохгүй, учир нь энэ нь цаашдын амьдралд нөлөөлнө. 2022 он ажил хэргийн түншлэлд аз амжилт авчирна 

Хувийн амьдрал 
 

Бар жилд шинэ ажил хэргийн холбоо тогтоох төдийгүй хувийн амьдралын тал дээр ч шинэ хүмүүстэй танилцлана. Хань ижлээ хайж байгаа бол гэртээ суулгүй, байнга хөдөлгөөнтэй байхыг зөвлөжээ. 

“Хилэнцийн ордныхон сургалт, томилолт, аялал, тэр бүү хэл замын түгжрээнд зогсож байхдаа ч хосоо олж магадгүй” хэмээн Тиана Атлас өгүүлжээ. 

Эсрэг хүйснийхэнтэйгээ харилцахдаа зан харилцаандаа анхаарахыг зурхай зөвлөсөн байна. Зарчмаа хэм хэмжээтэй байлгаж, хос болж мэдэх хүндээ боломж олгоорой. Ингэснээр  нөгөө хүнээ сайн талаа харуулах боломж олгоно. 

Санхүү 

 

2022 онд Хилэнцийн ордныхонд санхүүгийн тал дээр их алдагдал эсвэл хэт их амжилт тохиохгүй. Санхүүгийн байдал тогтвортой байна. Гэхдээ шинэ төмөр хүлэг авч магадгүй гэнэ. 

“Машинаа эсвэл өөр ашигладаг тээврийн хэрэгслийн төрлөө солих талаар бодож магадгүй” хэмээн зурхайч өгүүлжээ. 

Өөртөө тав тухтай орчныг бүрдүүлж, хуучин машин тань тухгүй байгаа бол шинийг ав. 

 

НУМЫН ОРД  

 

 

Эрүүл мэнд 
 

Нумын ордныхон яг л жилийн бэлгэдэл болох Бар шиг идэвхтэй орд. Гэхдээ энэ онд эрүүл мэнддээ анхаарч, гэр бүлдээ ихээхэн цаг зарцуулахыг од эрхэс зөвлөжээ. 

Энэ онд Нумын ордныхон аль болох их амарч, нойрсох дэглэмтэй болохыг зөвлөсөн байна. Кофе, сэргээгч ундаа зэрэг таныг сэргээж мэдэх зүйлсээс зайлсхийж, сайтар унтаж амрахыг зөвлөжээ. 

 

Санхүү 

 

Оны сүүлээр санхүүгийн асуудал гарвал үүнд самгардах хэрэггүй. 

“Аз тохиож, санхүүгийн байдал сайнаар шийдэгдэнэ” хэмээн Тиана Атлас өгүүлжээ. 

2022 онд санхүүгийн нөхцөл байдлаа тогтвортой болгож чадна. Нумын ордныхон төлөвлөөгүй байсан шагнал, эсвэл хөрөнгө өвлөж магадгүй. 

 

МАТРЫН ОРД

 

 

Ажил хэрэг 
 

Энэ онд амжилтад хүрэхийн тулд шаргуу ажилла. Идэвхтэй урагш хөдөлсөн хүмүүс л албан тушаалын шат ахих боломжтой. 

“2022 он урагш хөдлөх, хүмүүстэй танилцах, хэрэгтэй мэдээлэл хайх, бие даан хөгжихөд бэлэн хүмүүст аз амжилт авчирна” хэмээн зурхайч өгүүлжээ. 

Хувийн бизнес эхлүүлэхээр төлөвлөж байсан бол энэ ажил хэргээ эхлүүлэхээс бүү ай. Гэхдээ ажил хэрэг танилын холбоо сүлбээнээс төдийгүй таны гадаад төрхөөс шалтгаална гэдгийг бүү мартаарай. Тиймээс хэв маяг дээрээ анхаар. Түүнчлэн хэлэлцээ хийх сургалтад хамрагдахад ч илүүдэхгүй. 

Санхүү 

 

Байр орон сууц авахаар зэхэж байсан хүмүүс энэ онд энэ асуудлаа шийдэж магадгүй. Гэхдээ яарах хэрэггүй. 

“Орон сууцтай холбоотой асуудлыг 2022 оны зунаас эхлэн шийдэх хэрэгтэй” хэмээн Тиана Атлас зөвлөжээ. 

 

Хувийн амьдрал 

 

Та хань ижлээ олох эсвэл зүгээр л эсрэг хүйснийхээ хүнтэй танилцах хүсэлтэй бол хүмүүст тавьдаг шаардлагаа багасга. Ирэх онд романтикаар дүүрэн байх боломжтой хэдий ч бусдад хэт шалгуур тавьж ханддаг зангаас тань болж бүх зүйлийг нурааж мэднэ гэж зурхай анхааруулжээ. Өөрөөсөө болж насан туршийнхаа хайрыг ч алдаж болзошгүй хэмээн сэрэмжлүүлсэн байна. 

 

ХУМХЫН ОРД  

 

 

Хувийн амьдрал 

 

Ирэх бар жилд дараагийн 18 жилийн амьдралынхаа суурийг тавих үе тохионо. Үнэхээр амьдралаа холбох хүсэлтэй хүнтэй таарсан нөхцөлд л харилцаа бүтэлтэй болно. 

“Жинхэнэ харилцаанд хэн нэгэн нь бэлэн биш бол хайр дурлалын холбоо нэг их удахгүй сарнина” хэмээн зурхай өгүүлжээ. 

Зурхайчийн өгүүлснээр аялал эсвэл томилолтын үеэр ирээдүйн хань ижилтэйгээ учирж болзошгүй гэнэ. 

 

Санхүү 

 

2022 онд томоохон хөрөнгө худалдан авах төлөвлөгөөтэй байгаа бол оны эхний хагаст амжуулаарай. Энэ нь танд ашиг тус авчирна. Харин суралцах, нэмэлт дамжаанд хамрагдах хүсэлтэй бол 2022 оны хоёрдугаар хагас хүртэл хойшлуулсан нь дээр. Амьдрах орчноо солих, нүүх бол мөн л 2022 оны хоёрдугаар хагас хүртэл хойшлуулахыг зурхай зөвлөжээ. 

 

ЗАГАСНЫ ОРД

 

 

Хувийн амьдрал

 

Ирэх бар жил Хумхын ордныхонд баяр баясгалан, сэтгэл ханамж авчирна. Шийдэмгий бус, ичимхий зангаа хаяхыг зурхай зөвлөж байна. 

Түүнчлэн хүслийн карт бүтээхийг зөвлөжээ. Зурхайчийн зөвлөснөөр, ийм хүслийн картыг самбар эсвэл ватм цаасаар хийж болох гэнэ. Ингээд энэ карт дээрээ сэтгүүлээс хайчилсан зургаа нааж, зорилгоо бичин, мөрөөдлөө дүрслэх ёстой аж. Мөрөөдлөө нүдэнд харагдахаар ийнхүү хийснээр хүсэж, мөрөөдсөн зүйлс биелдэг гэдэгт олон хүн итгэдэг. 2022 онд Загасны ордныхны олон мөрөөдөл, хүсэл биелнэ. 

 

Санхүү 

2022 оны зун Загасны ордныхны орлого нэмэгдэнэ. 

“Хамгийн гол нь бар шиг идэвхтэй, хөдөлгөөнтэй байж, урагш хөдлөх ёстой” хэмээн Тиана Атлас зөвлөжээ. 

2022 оны эхний хагаст гадаад төрхөндөө анхаарах, шинэ мэдлэг, чадвар олж авахад зарцуулахад нэн тохиромжтой.