Налайх дүүргийн Эрүүл мэндийн төвийн эмч нар коронавирусийн халдвартай эмэгтэйг эмчлэн, гэрийн тусгаарлалтад шилжүүллээ. Тухайн эмэгтэй нь жирэмсэн байсан бөгөөд эсэн мэнд амаржжээ. Мөн эхийн халдварыг 13 хоногийн хугацаанд эмчлэн, эх хүүхдийг гэрт нь гаргажээ. 

Эмчилгээний багт Төрөх тасгийн Эх барих, эмэгтэйчүүдийн их эмч Д.Отгонцэцэг, Хүүхдийн эмч Б.Баярмаа, Эх баригч З.Сарантөгс, Хагалгааны сувилагч Г.Балжан, Нярайн сувилагч Д.Баярхүү, Асрагч Л.Өлзийбаяр нар халдвар хамгааллын дэглэмээ баримтлан нэг баг болж амжилттай хамтран ажиллалаа.

Хариу баталгаажсан даруйд бусад эмчлүүлэгчдийг 3 удаагийн шинжилгээнд хамруулсан бөгөөд өнөөдрийн байдлаар дахин халдвар бүртгэгдээгүй байна.