Иргэд Улсын Онцгой комисс, Эрүүл мэндийн сайд нарыг огцруулахаар жагсаж байх үед УИХ-ын чуулганы танхимд түүнтэй холбогдуулан санал хэлэх гэсэн УИХ-ын гишүүн Т.Доржхандын микрофоныг УИХ-ын дарга Г.Занданшатар хаажээ. Т.Доржханд цар тахалтай холбогдуулан байгуулсан Түр хороогоо ажиллуулмаар байна гэдэг санал гаргасан аж.

УИХ-ын 2020 оны тавдугаар сарын 13-ны 49 дүгээр тогтоолоор "COVID-19" цар тахлаас урьдчилан сэргийлэх, тэмцэх, нийгэм-эдийн засагт үзүүлэх сөрөг нөлөөллийг нь бууруулах тухай хуулийн хэрэгжилтийг хянах зорилготой дээрх түр хороо өнөөг хүртэл огт хуралдаагүй юм. Энэ түр хороонд УИХ-ын гишүүн Т.Доржхандаас гадна С.Ганбаатар, Н.Алтанхуяг нар багтдаг.

УИХ-ын дарга Г.Занданшатар Т.Доржхандын микрофоныг хааснаараа цаг үеийн асуудлаас зугатаад зогсохгүй иргэдийн дуу хоолойг ч уландаа гишгэв. Цар тахлын хямрал нүүрлэсэн энэ үед түүнтэй холбогдуулан байгуулсан түр хороогоо хуралдуулахгүй, тус түр хорооны гишүүний үгийг хааж байгаа энэ увайгүй үйлдэлд хэн хариуцлага тооцох вэ?