Хятадын Цянсу муж дахь тус улсын томоохон банкны намын хорооны нарийн бичгийн дарга асан Ван Цяньхуа онц их хэмжээний авлига авсан хэргээр 13 жилийн хорих ял сонсчээ. 

Синхуа агентлагийн мэдээлснээр Наньтун хотын дунд шатны ардын шүүхээс 1988-2017  оны хооронд мужд төрөл бүрийн өндөрг албан тушаал хашиж байсан Цяньхуа  албан тушаалаа хувийн ашиг сонирхлоор ашигласан гэж дүгнэсэн байна. 

Эх сурвалжийн мэдээлснээр Ван Цяньхуа биечлэн болон төрийн албан хаагчдаар дамжуулан гуравдагч этгээдүүдээс нийтдээ 25 сая юань буюу монгол мөнгөөр 9,5 тэрбум төгрөгийн хэмжээтэй авилга авсан нь тогтоогджээ.

Түүний авлигад авсан хөрөнгийг улсын өмч болгон хурааж, хорих ял шийтгэхээс гадна 2,5 сая юанийн торгууль ноогдуулсан байна. 

Энд дуулгахад, 2012 онд Ши Жинпин засгийн эрхэнд гарснаас хойш БНХАУ-д авлигатай хийх тэмцэл эрчимжсэн юм. Сүүлийн жилүүдэд “Үнэгний ав” нэртэй авлигын эсрэг өргөн цар хүрээтэй кампанит ажил эхлүүлж, олон албан тушаалтныг халж, шоронд хорисны дээр гадаадад оргон зайлсан авлигчдыг ч баривчлан эх орондоо авчирж, улсад учруулсан хохирлыг нөхөн төлүүлсэн байна. 

Г.Бямбасүрэн